.jpg)
ശബരിമല സ്വര്ണ്ണക്കൊള്ള: ശാസ്ത്രീയ പരിശോധന ഫലം ഇന്ന് അന്വേഷണ സംഘത്തിന് കൈമാറും
പത്തൊന്പതാം തിയതി ഹൈക്കോടതിയില് കൊടുക്കുന്ന അന്വേഷണ പുരോഗതി റിപ്പോര്ട്ടില് ഈ ശാസ്ത്രീയ അന്വേഷണഫല റിപ്പോര്ട്ടും ഉള്പ്പെടുത്തും.
ശബരിമല സ്വര്ണ്ണക്കൊള്ളയുമായി ബന്ധപ്പെട്ട് വിഎസ്എസ്സി നടത്തിയ ശാസ്ത്രീയ പരിശോധന ഫലം ഇന്ന് അന്വേഷണ സംഘത്തിന് കൈമാറും. ഇന്നലെയാണ് വിഎസ്എസ്സിയില് നിന്നും ശാസ്ത്രീയ പരിശോധനാഫലം സീല് വെച്ച കവറില് കൊല്ലം വിജിലന്സ് കോടതിയില് നല്കിയത്. ആ റിപ്പോര്ട്ടാണ് ഇന്ന് കോടതി എസ്ഐടിക്ക് കൈമാറുന്നത്. ഈ റിപ്പോര്ട്ട് വിശദമായി പരിശോധിച്ച ശേഷമായിരിക്കും തുടര്നടപടികള് സ്വീകരിക്കുക.
tRootC1469263">പത്തൊന്പതാം തിയതി ഹൈക്കോടതിയില് കൊടുക്കുന്ന അന്വേഷണ പുരോഗതി റിപ്പോര്ട്ടില് ഈ ശാസ്ത്രീയ അന്വേഷണഫല റിപ്പോര്ട്ടും ഉള്പ്പെടുത്തും. അന്വേഷണത്തിന്റെ ഗതി തന്നെ നിര്ണ്ണയിക്കുന്ന റിപ്പോര്ട്ടാണ് വിഎസ്എസ്സി കൈമാറിയിരിക്കുന്നത്. സ്വര്ണ്ണപാളികള് മാറ്റിയോ, ശബരിമലയില് ഇപ്പോഴുള്ളത് പഴയപാളികളാണോ അതോ പുതിയ പാളികളാണോ, പാളികളിലെ സ്വര്ണ്ണത്തിന്റെ അളവ് തുടങ്ങിയവ നിര്ണ്ണയിക്കുന്ന പരിശോധനയാണ് നിലവില് നടത്തിയിട്ടുള്ളത്.
