.jpg)
ശബരിമല നെയ്യ് ക്രമക്കേട്: മില്മയില് എസ്ഐടി പരിശോധന
ശബരിമല നെയ്യ് ക്രമക്കേടില് ദേവസ്വം വിജിലന്സ് അന്വേഷണ റിപ്പോര്ട്ട് സമര്പ്പിച്ചിരുന്നു. തിരുവിതാംകൂര് ദേവസ്വം ബോര്ഡിന് ദേവസ്വം വിജിലന്സ് എസ്പിയാണ് റിപ്പോര്ട്ട് കൈമാറിയത്.
പത്തനംതിട്ട: ശബരിമല നെയ്യ് ക്രമക്കേട് കേസില് മില്മയില് എസ്ഐടി പരിശോധന. പത്തനംതിട്ട ഡയറിയില് അന്വേഷണസംഘം പരിശോധന നടത്തി .രേഖകള് പിടിച്ചെടുത്തു. മാര്ക്കറ്റിങ് മാനേജറുടെ മൊഴി രേഖപ്പെടുത്തിയിട്ടുണ്ട്. തട്ടിപ്പില് മില്മ, ദേവസ്വം ബോര്ഡ് ഉദ്യോഗസ്ഥര്ക്ക് പങ്കുണ്ടെന്നാണ് കണ്ടെത്തല്.
ശബരിമല നെയ്യ് ക്രമക്കേടില് ദേവസ്വം വിജിലന്സ് അന്വേഷണ റിപ്പോര്ട്ട് സമര്പ്പിച്ചിരുന്നു. തിരുവിതാംകൂര് ദേവസ്വം ബോര്ഡിന് ദേവസ്വം വിജിലന്സ് എസ്പിയാണ് റിപ്പോര്ട്ട് കൈമാറിയത്. കേസില് കൂടുതല് അന്വേഷണം ആവശ്യപ്പെടുന്നതാണ് റിപ്പോര്ട്ട്.
ഇതിനിടെ പമ്പയില് സ്റ്റോര് റൂം തുറക്കാനും തീരുമാനമായിട്ടുണ്ട്. നെയ്യ് ക്രമക്കേട് വിവാദങ്ങളുടെ പശ്ചാത്തലത്തിലാണ് നീക്കം. പമ്പയിലെ ഗോഡൗണില് നെയ്യ് സൂക്ഷിച്ച് ഗുണനിലവാരം പരിശോധിച്ചതിന് ശേഷം മാത്രം സന്നിധാനത്തേക്ക് കയറ്റിവിടാനാണ് തീരുമാനം.
