ശബരിമല വിശ്വാസികൾ ഈ തിരഞ്ഞെടുപ്പിലും ശക്തമായ പ്രതികാരം വീട്ടും ‘തിരുവനന്തപുരത്ത് ബിജെപി തിലകം അണിയും’: സുരേഷ് ഗോപി

തിരുവനന്തപുരം: തിരുവനന്തപുരം കോർപ്പറേഷനിൽ ബിജെപി വിജയം നേടുമെന്ന് കേന്ദ്രമന്ത്രിയും നേതാവുമായ സുരേഷ് ഗോപി പ്രത്യാശ പ്രകടിപ്പിച്ചു. വികസനം മുൻനിർത്തിയുള്ള ബിജെപിയുടെ പ്രചാരണങ്ങൾക്ക് ജനങ്ങളിൽ നിന്ന് വലിയ അനുകൂല പ്രതികരണമാണ് ലഭിച്ചതെന്നും, കേവല ഭൂരിപക്ഷമാണോ മികച്ച ഭൂരിപക്ഷമാണോ ബിജെപി നേടേണ്ടതെന്ന് ജനങ്ങൾ തീരുമാനിക്കുമെന്നും അദ്ദേഹം പറഞ്ഞു. അടിസ്ഥാന വികസനത്തിന് വേണ്ട ശരിയായ രൂപകൽപ്പന ബിജെപി നേതൃത്വം നൽകുന്ന എൻഡിഎ സഖ്യത്തിന്റെ ഭരണത്തിലൂടെ മാത്രമേ സാധ്യമാവൂ എന്ന് ജനങ്ങൾ തിരിച്ചറിഞ്ഞിട്ടുണ്ട്. ശബരിമല വിശ്വാസികൾ ഈ തിരഞ്ഞെടുപ്പിലും ശക്തമായ പ്രതികാരം വീട്ടുമെന്നും സുരേഷ് ഗോപി കൂട്ടിച്ചേർത്തു.