.jpg)
ക്ഷേമ പെൻഷൻ വാങ്ങുന്നവര്ക്ക് ആശ്വാസം! വരുമാന സര്ട്ടിഫിക്കറ്റ് ഹാജരാക്കാൻ സമയം നീട്ടി
അനർഹരെ ഒഴിവാക്കി അർഹരായവർക്ക് തടസ്സമില്ലാതെ പെൻഷൻ ഉറപ്പാക്കുകയാണ് ഇതിലൂടെ സർക്കാർ ലക്ഷ്യമിടുന്നത്.
തിരുവനന്തപുരം: സംസ്ഥാനത്തെ സാമൂഹ്യ സുരക്ഷാ പെൻഷൻ ഗുണഭോക്താക്കള്ക്ക് ആശ്വാസമായി വരുമാന സർട്ടിഫിക്കറ്റ് ഹാജരാക്കാനുള്ള കാലാവധി ആറുമാസം കൂടി നീട്ടി.
ധനകാര്യ മന്ത്രി കെ.എൻ. ബാലഗോപാലാണ് ഈ വിവരം അറിയിച്ചത്. നിശ്ചിത സമയത്തിനുള്ളില് സർട്ടിഫിക്കറ്റ് നല്കാൻ കഴിയാത്തവരുടെ പെൻഷൻ തടയരുതെന്ന് വകുപ്പിന് കർശന നിർദ്ദേശം നല്കിയിട്ടുണ്ട്.
tRootC1469263">നേരത്തെ 2025 ഡിസംബർ 31 വരെയായിരുന്നു സർട്ടിഫിക്കറ്റ് സമർപ്പിക്കാൻ അനുവദിച്ചിരുന്ന സമയം. എന്നാല് ഗുണഭോക്താക്കളുടെ സൗകര്യാർത്ഥം ഇത് 2026 ജൂണ് 30 വരെ നീട്ടാനാണ് സർക്കാർ ഇപ്പോള് തീരുമാനിച്ചിരിക്കുന്നത്.
62 ലക്ഷത്തിലധികം വരുന്ന ക്ഷേമ പെൻഷൻ ഗുണഭോക്താക്കളില് ഏകദേശം 2.53 ലക്ഷം പേർ മാത്രമാണ് ഇനിയും വരുമാന സർട്ടിഫിക്കറ്റ് ഹാജരാക്കാനുള്ളത്. 2019 ഡിസംബർ 31 വരെ പെൻഷൻ പട്ടികയില് ഉള്പ്പെട്ടവരാണ് പ്രധാനമായും ഈ പരിധിയില് വരുന്നത്.
അർഹരായവർക്ക് അക്ഷയ കേന്ദ്രങ്ങള് വഴി ജൂണ് 30-നകം വരുമാന സർട്ടിഫിക്കറ്റ് അപ്ലോഡ് ചെയ്യാവുന്നതാണ്. അനർഹരെ ഒഴിവാക്കി അർഹരായവർക്ക് തടസ്സമില്ലാതെ പെൻഷൻ ഉറപ്പാക്കുകയാണ് ഇതിലൂടെ സർക്കാർ ലക്ഷ്യമിടുന്നത്.