കൊച്ചിന്‍ പോർട്ടില്‍‌ വിവിധ തസ്തികകളിലായി കരാർ അടിസ്ഥാനത്തിൽ നിയമനം, പത്താംക്ലാസ് യോഗ്യതയുള്ളവർക്കും അവസരം

കൊച്ചിൻ പോർട്ട് അതോറിറ്റിയുടെ മറൈൻ ഡിപ്പാർട്ട്‌മെന്റിൽ വിവിധ തസ്തികകളിലായി നിലവിലുള്ള 25 ഒഴിവുകളിലേക്ക് കരാർ അടിസ്ഥാനത്തിൽ നിയമനം നടത്തുന്നു. താല്പര്യമുള്ള ഉദ്യോഗാർത്ഥികൾക്ക് ജൂലൈ 15 വരെ ഓൺലൈനായി അപേക്ഷ സമർപ്പിക്കാവുന്നതാണ്. സീമാൻ ഗ്രേഡ് II, ജൂനിയർ സൂപ്പർവൈസർ-മറൈൻ ക്രെയ്ൻസ്, സീമാൻ ഗ്രേഡ് III, വിഞ്ച് ഓപ്പറേറ്റർ, എൻജിൻ ഫിറ്റർ, ജിപി ക്രൂ, കുക്ക്, ഡെക് ഹാൻഡ്‌ എന്നീ വിഭാഗങ്ങളിലാണ് ഒഴിവുകൾ റിപ്പോർട്ട് ചെയ്തിരിക്കുന്നത്. എല്ലാ തസ്തികകളിലേക്കുമുള്ള ഉയർന്ന പ്രായപരിധി 60 വയസ്സാണ്.

യോഗ്യത

സീമാൻ ഗ്രേഡ് II (ശമ്പളം: 35,000 രൂപ): പത്താം ക്ലാസ് ജയം, സ്രാങ്ക് സർട്ടിഫിക്കറ്റ് ഒാഫ് കോംപീറ്റൻസി/ സെക്കൻഡ് ക്ലാസ് മാസ്റ്റേഴ്സ്/ ഫസ്റ്റ് ക്ലാസ് മാസ്റ്റേഴ്സ്, ബേസിക് എസ്ടിസിഡബ്ല്യു (STCW) കോഴ്സ്, നാവിഗേഷനൽ വാച്ച് കീപ്പിങ് സർട്ടിഫിക്കറ്റ്, 2 വർഷത്തെ പ്രവൃത്തിപരിചയം.

ജൂനിയർ സൂപ്പർവൈസർ-മറൈൻ ക്രെയ്ൻസ് (ശമ്പളം: 35,000 രൂപ): ഇലക്ട്രിക്കൽ എൻജിനീയറിങ് ഡിപ്ലോമയുള്ളവർക്ക് അപേക്ഷിക്കാം.

സീമാൻ ഗ്രേഡ് III (ശമ്പളം: 30,000 രൂപ): പത്താം ക്ലാസ് ജയം, സ്രാങ്ക് സർട്ടിഫിക്കറ്റ് ഓഫ് കോംപീറ്റൻസി, ബേസിക് എസ്ടിസിഡബ്ല്യു കോഴ്സ്, 2 വർഷത്തെ പരിചയം.

വിഞ്ച് ഓപ്പറേറ്റർ (ശമ്പളം: 30,000 രൂപ): പത്താം ക്ലാസ് ജയം, ബേസിക് എസ്ടിസിഡബ്ല്യു കോഴ്സ്, സ്രാങ്ക് സർട്ടിഫിക്കറ്റ് ഒാഫ് കോംപീറ്റൻസി, 2 വർഷത്തെ പരിചയം എന്നിവയാണ് യോഗ്യത.

എൻജിൻ ഫിറ്റർ (ശമ്പളം: 30,000 രൂപ): പത്താം ക്ലാസ് ജയവും എൻജിൻ റൂം വാച്ച് കീപ്പിങ് സർട്ടിഫിക്കറ്റും ഉണ്ടായിരിക്കണം.

ജിപി ക്രൂ (ശമ്പളം: 29,000 രൂപ): പത്താം ക്ലാസ് ജയം, സ്വിമ്മിങ് ടെസ്റ്റ് വിജയം, ബേസിക് എസ്ടിസിഡബ്ല്യു സർട്ടിഫിക്കറ്റ്, 2 വർഷത്തെ പരിചയം.

കുക്ക് (ശമ്പളം: 27,500 രൂപ): പത്താം ക്ലാസ് ജയം, ബേസിക് എസ്ടിസിഡബ്ല്യു കോഴ്സ് സർട്ടിഫിക്കറ്റ്, ഒരു വർഷത്തെ പ്രവൃത്തിപരിചയം.

ഡെക് ഹാൻഡ്‌ (ശമ്പളം: 27,500 രൂപ): പത്താം ക്ലാസ് ജയവും ബേസിക് എസ്ടിസിഡബ്ല്യു കോഴ്സ് സർട്ടിഫിക്കറ്റും ഉള്ളവർക്ക് അപേക്ഷിക്കാം.

താല്പര്യമുള്ള ഉദ്യോഗാർത്ഥികൾക്ക് https://career.itiltd.in/careers_cochin_port/login_form.php?id=MzI= എന്ന ഔദ്യോഗിക ലിങ്ക് വഴി ഓൺലൈനായി അപേക്ഷകൾ സമർപ്പിക്കാവുന്നതാണ്.