.jpg)
റാപ്പര് വേടന്റെ വിവാഹം ഇന്ന്
Feb 24, 2026, 08:21 IST
ദീര്ഘകാലമായി ഇരുവരും തമ്മില് അടുപ്പത്തിലായിരുന്നു.
റാപ്പര് വേടന്റെ വിവാഹം ഇന്ന് തൃശൂരില് നടക്കും. മഞ്ചേരി സ്വദേശിയും എഴുത്തുകാരിയുമായ നവമി ലതയാണ് വധു. തൃശ്ശൂര് സബ് രജിസ്റ്റര് ഓഫീസില് ആണ് വിവാഹത്തിനുള്ള അപേക്ഷ നല്കിയിരിക്കുന്നത്. ദീര്ഘകാലമായി ഇരുവരും തമ്മില് അടുപ്പത്തിലായിരുന്നു.
സബ് രജിസ്റ്റര് ഓഫീസില് വിവാഹം നടത്തുമ്പോള് ഉണ്ടാകുന്ന അസൗകര്യങ്ങളെ തുടര്ന്ന് വേടന്റെ തൃശൂരിലെ വീട്ടില് വച്ച് വിവാഹം നടത്താനാണ് സാധ്യത. സബ് രജിസ്റ്റര് വീട്ടിലേക്ക് എത്തി വിവാഹ രജിസ്റ്ററില് വധൂവരന്മാരെ കൊണ്ട് ഒപ്പിടിക്കും എന്നാണ് സൂചന. അങ്ങനെയെങ്കില് 10 മണിക്ക് മുന്പായിട്ട് ആയിരിക്കും ചടങ്ങുകള് നടക്കുക. വധുവിന്റെ ബന്ധുക്കള്ക്കും അടുത്ത ബന്ധുക്കള്ക്കും മാത്രമാണ് ചെറിയതോതിലുള്ള വിവാഹ സല്ക്കാരം ക്രമീകരിച്ചിട്ടുള്ളത്. ഭരണഘടനയെ സാക്ഷിയാക്കിയാണ് വിവാഹമെന്ന് വേടന് പറഞ്ഞിരുന്നു