.jpg)
ഇന്നും മഴ തുടരും; ആലപ്പുഴ, കോട്ടയം ജില്ലകളില് അടുത്ത മൂന്ന് മണിക്കൂറില് ഓറഞ്ച് അലേര്ട്ട്
May 22, 2026, 07:37 IST
ഞായര്, തിങ്കള് ദിവസങ്ങളില് ആലപ്പുഴ എറണാകുളം ഇടുക്കി തൃശ്ശൂര് ജില്ലകളില് യെല്ലോ അലേര്ട്ട് പ്രഖ്യാപിച്ചിട്ടുണ്ട്.
സംസ്ഥാനത്ത് ഇന്നും ഒറ്റപ്പെട്ട നേരിയ മഴയ്ക്ക് സാധ്യത. ആലപ്പുഴ, കോട്ടയം ജില്ലകളില് അടുത്ത മൂന്ന് മണിക്കൂറില് ഓറഞ്ച് അലേര്ട്ട് പ്രഖ്യാപിച്ചു. മണിക്കൂറില് 50 കിലോമീറ്റര് വരെ വേഗതയില് ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
ഞായര്, തിങ്കള് ദിവസങ്ങളില് ആലപ്പുഴ എറണാകുളം ഇടുക്കി തൃശ്ശൂര് ജില്ലകളില് യെല്ലോ അലേര്ട്ട് പ്രഖ്യാപിച്ചിട്ടുണ്ട്.
ശക്തമായ കാറ്റിനും ഇടിമിന്നലിനും സാധ്യതയുള്ളതിനാല് ജാഗ്രത പാലിക്കണമെന്നും കേന്ദ്രകാലാവസ്ഥാ വകുപ്പ് മുന്നറിയിപ്പ് നല്കി. കേരള തീരത്തോട് ചേര്ന്ന് ന്യൂനമര്ദ്ദപാത്തി രൂപപ്പെട്ടിട്ടുണ്ടെന്നും കാലാവസ്ഥാ നിരീക്ഷണ വകുപ്പ് അറിയിച്ചു.
