സംസ്ഥാനത്ത് വീണ്ടും മഴ മുന്നറിയിപ്പ് ; ചിലയിടങ്ങളിൽ ഇടിമിന്നലോട് കൂടിയ മഴയ്ക്ക് സാധ്യത, ജാഗ്രതാ നിർദ്ദേശം

തിരുവനന്തപുരം : സംസ്ഥാനത്ത് അടുത്ത ദിവസങ്ങളിൽ ശക്തമായ മഴ മുന്നറിയിപ്പുകൾ നിലവിലില്ലെങ്കിലും, ചിലയിടങ്ങളിൽ ഇടിമിന്നലോട് കൂടിയ മഴയ്ക്ക് സാധ്യതയുണ്ടെന്നാണ് മുന്നറിയിപ്പ്. നവംബർ 11 ഉച്ചയോടെയോ വൈകുന്നേരത്തോ കേരളത്തിൽ ഒറ്റപ്പെട്ടയിടങ്ങളിൽ ചെറിയ മഴയോ ഇടിമിന്നലോ ഉണ്ടാകാം.നിലവിൽ കേരള തീരത്ത് മത്സ്യബന്ധനത്തിന് തടസ്സമില്ല. എങ്കിലും ഇടിമിന്നൽ സാധ്യതയുള്ളതിനാൽ പൊതുജനങ്ങൾ ജാഗ്രത പാലിക്കണം. 

കേരളത്തിലെ 14 ജില്ലകളിലും യെല്ലോ അലർട്ട് (Yellow Alert) അല്ലെങ്കിൽ ഇടിമിന്നൽ ജാഗ്രതാ നിർദ്ദേശമാണ് നിലവിലുള്ളത്. നവംബർ 11, 12 തീയതികളിൽ ഒറ്റപ്പെട്ടയിടങ്ങളിൽ ഇടിമിന്നലോടുകൂടിയ മഴയ്ക്കും ശക്തമായ കാറ്റിനും സാധ്യതയുണ്ട്. നവംബർ 13 മുതൽ 15 വരെ പ്രത്യേക മുന്നറിയിപ്പുകളില്ല. ബംഗാൾ ഉൾക്കടലിൽ രൂപപ്പെടാൻ സാധ്യതയുള്ള ന്യൂനമർദ്ദത്തിന്റെ ഫലമായി നവംബർ 16, 17 തീയതികളിൽ കേരളത്തിൽ ശക്തമായ മഴയ്ക്ക് (Heavy Rain) സാധ്യതയുണ്ടെന്ന് കാലാവസ്ഥാ വകുപ്പ് അറിയിച്ചിട്ടുണ്ട്