.jpg)
അടുത്ത മൂന്ന് മണിക്കൂറിനുള്ളില് 2 ജില്ലകളില് മഴയ്ക്ക് സാധ്യത
Updated: Mar 14, 2023, 22:43 IST
തിരുവനന്തപുരം: കൊടും ചൂടില് വലയുന്ന കേരളത്തിന് ആശ്വാസ വാര്ത്ത. അടുത്ത മൂന്ന് മണിക്കൂറിനുള്ളില് 2 ജില്ലകളില് മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു. ഏഴ് മണിക്ക് ശേഷം പുറപ്പെടുവിച്ച അറിയിപ്പ് പ്രകാരം പത്തനംതിട്ട, വയനാട് ജില്ലകളിലാണ് മഴയ്ക്ക് സാധ്യത. ഈ ജില്ലകളിലെ ഒറ്റപ്പെട്ടയിടങ്ങളില് നേരിയ മഴയ്ക്ക് സാധ്യതയുണ്ടെന്നാണ് കേന്ദ്ര കാലാവസ്ഥ വകുപ്പ് അറിയിച്ചത്.
tRootC1469263">
അതേസമയം സംസ്ഥാനത്ത് വരും ദിവസങ്ങളില് മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് നേരത്തെ പ്രവചിച്ചിരുന്നു. നാളെ മുതല് വെള്ളിയാഴ്ച വരെയുള്ള ദിവസങ്ങളില് കേരളത്തില് പലയിടങ്ങളിലും ഒറ്റപ്പെട്ടയിടങ്ങളില് മഴയ്ക്ക് സാധ്യതയുണ്ടെന്നാണ് കേന്ദ്ര കാലാവസ്ഥ വകുപ്പ് പ്രവചിച്ചിട്ടുള്ളത്. ഈ ദിവസങ്ങളില് മഴക്കൊപ്പം ഇടിമിന്നലിനും സാധ്യതയുണ്ടെന്നും പ്രവചനമുണ്ട്.
