.jpg)
മഴ ശക്തം ; ഒന്പത് ജില്ലകളില് ഓറഞ്ച് അലര്ട്ട് പ്രഖ്യാപിച്ചു
മഴക്കെടുതിയില് ദുരിതമനുഭവിക്കുന്നവര്ക്കുള്ള നഷ്ടപരിഹാരത്തില് തീരുമാനമെടുക്കാന് ഇന്ന് പ്രത്യേക മന്ത്രിസഭായോഗം ചേരും.
സംസ്ഥാനത്ത് ഇന്നും കനത്ത മഴ തുടരുന്ന പശ്ചാത്തലത്തില് ഒന്പത് ജില്ലകളില് ഓറഞ്ച് അലര്ട്ട് പ്രഖ്യാപിച്ചു. മഴ രൂക്ഷമായതിനെ തുടര്ന്ന് കാസര്കോട്, കണ്ണൂര്, വയനാട്, കോഴിക്കോട്, തൃശ്ശൂര്, എറണാകുളം, ഇടുക്കി, ആലപ്പുഴ, കോട്ടയം, പത്തനംതിട്ട എന്നീ പത്ത് ജില്ലകളിലെ വിദ്യാഭ്യാസ സ്ഥാപനങ്ങള്ക്ക് ജില്ലാ കളക്ടര്മാര് ഇന്ന് അവധി പ്രഖ്യാപിച്ചിട്ടുണ്ട്. കണ്ണൂരിലും കോഴിക്കോടും പ്രൊഫഷണല് കോളേജുകള്ക്ക് അവധി ബാധകമല്ല. തെക്കന് കര്ണാടകയ്ക്കും സമീപ പ്രദേശങ്ങള്ക്കും മുകളിലായി ചക്രവാതചുഴി സ്ഥിതി ചെയ്യുന്നതാണ് സംസ്ഥാനത്ത് മഴ ശ്കതമാകാന് കാരണം.മറ്റന്നാള് വരെ സംസ്ഥാനത്തെ എല്ലാ ജില്ലകളിലും മഴ മുന്നറിയിപ്പുണ്ട്.
മഴക്കെടുതിയില് ദുരിതമനുഭവിക്കുന്നവര്ക്കുള്ള നഷ്ടപരിഹാരത്തില് തീരുമാനമെടുക്കാന് ഇന്ന് പ്രത്യേക മന്ത്രിസഭായോഗം ചേരും. മരിച്ചവരുടെ കുടുംബാംഗങ്ങള്ക്കും വീടും ജീവനോപാധിയും പൂര്ണ്ണമായി നഷ്ടമായവര്ക്കുമുള്ള ധനസഹായ തുക യോഗത്തില് നിശ്ചയിക്കും. മഴക്കെടുതി രൂക്ഷമായി ബാധിച്ച പത്തനംതിട്ടയിലെ വിവിധ പ്രദേശങ്ങള് കഴിഞ്ഞദിവസം മുഖ്യമന്ത്രി സന്ദര്ശിച്ചിരുന്നു.
