സുരക്ഷാ ഭീ​ഷ​ണി​യിൽ വർക്കല റെയിൽവേ സ്​റ്റേഷൻ യാത്രക്കാർ

വ​ർ​ക്ക​ല: വ​ർ​ക്ക​ല റെ​യി​ൽ​വേ സ്​​റ്റേ​ഷ​നി​ൽ സു​ര​ക്ഷ​യി​ല്ലാ​തെ യാ​ത്ര​ക്കാ​ർ. തെ​രു​വു​നാ​യ്ക്ക​ളെ​യും സാ​മൂ​ഹി​ക വി​രു​ദ്ധ​രെ​യും ഭ​യ​ക്കാ​തെ പ്ലാ​റ്റ്ഫോ​മി​ലൂ​ടെ ക​ട​ന്നു​പോ​കാ​നാ​വാ​ത്ത സ്ഥി​തി​യാ​ണ്. സു​ര​ക്ഷ ഭീ​ഷ​ണി​യെ​ക്കു​റി​ച്ച് യാ​ത്ര​ക്കാ​രും മാ​ധ്യ​മ​ങ്ങ​ളും നി​ര​വ​ധി ത​വ​ണ അ​ധി​കൃ​ത​രു​ടെ ശ്ര​ദ്ധ​യി​ൽ​കൊ​ണ്ടു​വ​ന്നി​ട്ടും ന​ട​പ​ടി​യു​ണ്ടാ​യി​ല്ല. ഇ​തോ​ടെ ഇ​രു​ട്ടു​വീ​ണാ​ൽ പ്ലാ​റ്റ്ഫോ​മു​ക​ളു​ടെ 80 ശ​ത​മാ​ന​വും ബ്ലാ​ക്ക് സ്​​പോ​ട്ടു​ക​ളാ​യി മാ​റി.

ജി​ല്ല​യി​ലെ തി​ര​ക്കേ​റി​യ ര​ണ്ടാ​മ​ത്തെ സ്​​റ്റേ​ഷ​നാ​ണ് വ​ർ​ക്ക​ല. സു​ര​ക്ഷാ വീ​ഴ്ച​യാ​യി നി​ര​വ​ധി ഘ​ട​ക​ങ്ങ​ളാ​ണ് യാ​ത്ര​ക്കാ​ർ ഉ​ന്ന​യി​ക്കു​ന്ന​ത്. രാ​പ​ക​ൽ ഭേ​ദ​മി​ല്ലാ​തെ തെ​രു​വു​നാ​യ്ക്ക​ൾ കൂ​ട്ട​ത്തോ​ടെ പ്ലാ​റ്റ്ഫോ​മി​ൽ വി​ഹ​രി​ക്കു​ന്നു​ണ്ട്. രാ​ത്രി ഇ​തു​വ​ഴി പോ​കു​ന്ന​വ​ർ​ക്ക് നേ​രെ അ​പ്ര​തീ​ക്ഷി​ത​മാ​യി നാ​യ്ക്ക​ൾ കു​ര​ച്ചു പാ​ഞ്ഞ​ടു​ക്കാ​റു​ണ്ട്.

സ്ത്രീ​ക​ളും പെ​ൺ​കു​ട്ടി​ക​ളു​മ​ട​ക്ക​മു​ള്ള​വ​ർ ഓ​ടി ര​ക്ഷ​പ്പെ​ടാ​ൻ ശ്ര​മി​ക്കു​മ്പോ​ൾ കാ​ൽ​വ​ഴു​തി​വീ​ണ് പ​രി​ക്കേ​ൽ​ക്കു​ക​യും ചെ​യ്യു​ന്നു​ണ്ട്. മ​ദ്യ​പ​സം​ഘ​ങ്ങ​ളു​ടെ​യും താ​വ​ള​മാ​ണി​വി​ടം. ഇ​വ​രി​ൽ പ​ല​രും സ്ത്രീ​ക​ൾ​ക്കും കു​ട്ടി​ക​ൾ​ക്കും നേ​രെ തു​റി​ച്ചു​നോ​ട്ട​ത്തോ​ടെ അ​ശ്ലീ​ല ആം​ഗ്യ​ങ്ങ​ൾ കാ​ണി​ക്കു​ന്നു​ണ്ടെ​ന്ന് പ​രാ​തി ഉ​യ​രു​ന്നു.സ്​​റ്റേ​ഷ​ൻ പ​രി​സ​ര​ത്തി​ൽ ല​ഹ​രി വി​ൽ​പ​ന​സം​ഘ​ങ്ങ​ളും സ​ജീ​വ​മാ​ണ്. സ്​​റ്റേ​ഷ​ന് സ​മീ​പ​ത്തെ ബാ​റി​ൽ​നി​ന്ന് മ​ദ്യ​പി​ച്ച​ശേ​ഷം കി​ഴ​ക്കു​വ​ശ​ത്തെ പ്ലാ​റ്റ്ഫോ​മി​ന്റെ​യും ട്രാ​ക്കി​ന്റെ​യും സ​മീ​പം വ​ഴി​മു​ട​ക്കും​വി​ധം പ്ര​ശ്ന​ങ്ങ​ൾ സൃ​ഷ്ടി​ക്കു​ന്ന​വ​രും യാ​ത്ര​ക്കാ​ർ​ക്ക് സു​ര​ക്ഷാ​ഭീ​ഷ​ണി​യു​യ​ർ​ത്തു​ന്നു.സ്​​റ്റേ​ഷ​ന് മു​ന്നി​ലും പാ​ർ​ക്കി​ങ് ഏ​രി​യ​ക​ളി​ലെ​യും വെ​ളി​ച്ച​ക്കു​റ​വും ഇ​ത്ത​ര​ക്കാ​ർ​ക്ക് സ​ഹാ​യ​ക​മാ​കു​ന്നു. സ്​​റ്റേ​ഷ​ന് മു​ന്നി​ൽ ആ​കെ​യു​ള്ള​ത് ഒ​റ്റ ലാ​മ്പ് മാ​ത്ര​മു​ള്ള ഒ​രു ഹൈ​മാ​സ്റ്റ് ലൈ​റ്റാ​ണ്. ഇ​താ​ക​ട്ടെ പ​ല​പ്പോ​ഴും പ്ര​കാ​ശി​ക്കാ​റു​മി​ല്ല.

പ്ലാ​റ്റ്ഫോ​മി​ലെ പ​ണം ന​ൽ​കി ഉ​പ​യോ​ഗി​ക്കാ​വു​ന്ന ശു​ചി​മു​റി ബ്ലോ​ക്ക് ന​ട​ത്തി​പ്പു​കാ​ർ​ക്ക് യാ​ത്ര​ക്കാ​രോ​ട് സൗ​ഹാ​ർ​ദ നി​ല​പാ​ട​ല്ല​യു​ള്ള​ത്. ക​രാ​റു​കാ​ര​ൻ ഇ​വി​ടെ നി​യ​മി​ച്ചി​ട്ടു​ള്ള ജീ​വ​ന​ക്കാ​ര​നും മി​ക്ക​പ്പോ​ഴും മ​ദ്യ​ല​ഹ​രി​യി​ലാ​ണെ​ന്ന് പ​രാ​തി​യു​മു​ണ്ട്.വ​ർ​ക്ക​ല സ്റ്റേ​ഷ​ൻ വി​ക​സ​ന​ത്തി​ന് അ​നു​വ​ദി​ക്ക​പ്പെ​ട്ട കോ​ടി​ക​ൾ ചെ​ല​വി​ടു​ന്ന വി​ക​സ​ന പ​ദ്ധ​തി​ക​ളി​ൽ മ​തി​യാ​യ വൈ​ദ്യു​തി വി​ള​ക്കു​ക​ൾ സ്ഥാ​പി​ക്കാ​നും അ​ധി​കൃ​ത​ർ ത​യാ​റാ​ക​ണ​മെ​ന്നും നാ​ട്ടു​കാ​ർ ആ​വ​ശ്യ​പ്പെ​ടു​ന്നു.

കൊ​ല്ല​ത്തി​നും തി​രു​വ​ന​ന്ത​പു​ര​ത്തി​നു​മി​ട​യി​ലെ പ്ര​ധാ​ന സ്റ്റേ​ഷ​നാ​യി​ട്ടും ആ​കെ​യു​ള്ള​ത് ര​ണ്ട് പൊ​ലീ​സു​കാ​ർ മാ​ത്ര​മാ​ണ്. പൊ​ലീ​സു​കാ​രു​ടെ എ​ണ്ണം കൂ​ട്ടി​യെ​ങ്കി​ൽ മാ​ത്ര​മേ നി​ല​വി​ലെ പ്ര​ശ്ന​ങ്ങ​ളും യാ​ത്ര​ക്കാ​രു​ടെ ദു​രി​ത​ങ്ങ​ളും കു​റേ​യെ​ങ്കി​ലും പ​രി​ഹ​രി​ക്ക​പ്പെ​ടു​ക​യു​ള്ളൂ.