.jpg)
രാഹുല് മാങ്കൂട്ടത്തില് ഒരു സ്ഥിരം കുറ്റവാളി ; അറസ്റ്റ് റിപ്പോര്ട്ടിലുള്ളത് ഗുരുതര പരാമര്ശം
ഇന്നലെ അര്ദ്ധരാത്രി 12.30നാണ് രാഹുലിനെ പാലക്കാട്ടെ ഹോട്ടലില് നിന്ന് പ്രത്യേക സംഘം കസ്റ്റഡിയിലെടുത്തത്.
ബലാത്സംഗം, ഭീഷണിപ്പെടുത്തല് എന്നീ ഗുരുതരമായ വകുപ്പുകള് ചുമത്തിയാണ് രാഹുല് മാങ്കൂട്ടത്തിലിനെ അറസ്റ്റ് ചെയ്തിരിക്കുന്നത്. രാഹുല് ഒരു സ്ഥിരം കുറ്റവാളി (ഹാബിച്ചല് ഒഫന്ഡര്) ആണെന്നടക്കമുള്ള ഗുരുതര പരാമര്ശമടക്കം അറസ്റ്റ് റിപ്പോര്ട്ടിലുണ്ട്.
കേസ് എടുക്കുന്നതിന് മുന്പുതന്നെ പ്രതി പരാതിക്കാരിയെ നേരിട്ട് ഭീഷണിപ്പെടുത്തിയെന്നും, എം എല് എ എന്ന അധികാരം ഉപയോഗിച്ച് സാക്ഷികളെ സ്വാധീനിക്കാനും പരാതിക്കാരിയെ സൈബര് ആക്രമണങ്ങളിലൂടെ മാനസിക സമ്മര്ദ്ദത്തിലാക്കാനും സാധ്യതയുണ്ടെന്നും പോലീസ് വിവരിച്ചിട്ടുണ്ട്. നേരത്തയുള്ള കേസില് പത്ത് ദിവസത്തോളം ഒളിവില് പോയി നിയമത്തെ വെല്ലുവിളിച്ചയാളാണ് പ്രതി. നിലവില് പരാതിക്കാരിയുടെ ജീവന് തന്നെ രാഹുല് ഭീഷണിയാണെന്നും അവരുടെ സ്വകാര്യ വിവരങ്ങള് വെളിപ്പെടുത്തി മാനസിക സമ്മര്ദ്ദത്തിലാക്കാന് സാധ്യതയുണ്ടെന്നും റിപ്പോര്ട്ടിലുണ്ട്. മൂന്നാമത്തെ ബലാത്സംഗ കേസില് ഇന്നലെ അര്ദ്ധരാത്രി 12.30നാണ് രാഹുലിനെ പാലക്കാട്ടെ ഹോട്ടലില് നിന്ന് പ്രത്യേക സംഘം കസ്റ്റഡിയിലെടുത്തത്. പിന്നീട് പത്തനംതിട്ട എആര് ക്യാംപിലെത്തിക്കുകയായിരുന്നു.
tRootC1469263">