പിഎസ്‌സി വിജ്ഞാപനം; ഹയർ സെക്കൻഡറി സ്‌കൂൾ ടീച്ചർ നിയമനം, ഇപ്പോൾ അപേക്ഷിക്കാം

Whatsapp Group

ഹയർ സെക്കൻഡറി വിദ്യാഭ്യാസ വകുപ്പിൽ സൈക്കോളജി, ജേണലിസം, ഹോം സയൻസ് വിഷയങ്ങളിലെ അധ്യാപക തസ്തികകളിലേക്കാണ് പിഎസ്‌സി അപേക്ഷ ക്ഷണിച്ചിരിക്കുന്നത്. നിലവിൽ സൈക്കോളജി, ഹോം സയൻസ് വിഭാഗങ്ങളിൽ ഓരോ ഒഴിവുകൾ വീതമാണ് റിപ്പോർട്ട് ചെയ്തിട്ടുള്ളത്. ജേണലിസം വിഭാഗത്തിൽ പ്രതീക്ഷിത ഒഴിവുകളാണുള്ളത്.

നിലവിൽ റിപ്പോർട്ട് ചെയ്ത ഒഴിവുകൾ കുറവാണെങ്കിലും, റാങ്ക് ലിസ്റ്റിന്റെ കാലാവധി അവസാനിക്കുന്നത് വരെ ഈ വിഷയങ്ങളിൽ ഉണ്ടാകുന്ന മുഴുവൻ ഒഴിവുകളിലേക്കും ഇതേ ലിസ്റ്റിൽ നിന്നായിരിക്കും നിയമനം നടക്കുക.

ശമ്പള സ്‌കെയിൽ : 55,200 – 1,15,300 രൂപയാണ്

നിയമനരീതി : നേരിട്ടുള്ള നിയമനം

പ്രായപരിധി : 1. (2040) ഉദ്യോഗാർത്ഥികൾ 02.01.1985 നും 01.01.2005 നും ഇടയിൽ ജനിച്ചവരായിരിക്കണം (രണ്ടു തീയതികളും ഉൾപ്പെടെ). മറ്റു പിന്നോക്ക വിഭാഗത്തിൽ ഉൾപ്പെട്ടവർക്കും പട്ടികജാതി / പട്ടികവർഗ്ഗ വിഭാഗത്തിലുള്ളവർക്കും നിയമാനുസൃത ഇളവുണ്ടായിരിക്കും.

ഹയർ സെക്കൻഡറി വിദ്യാഭ്യാസ വകുപ്പിലെ നിശ്ചിത യോഗ്യതയുളള മിനിസ്റ്റീരിയൽ ജീവനക്കാർക്ക് ഹയർ സെക്കൻഡറി സ്‌കൂൾ ടീച്ചർ തസ്തികയുടെ നേരിട്ടുള്ള നിയമനത്തിന് അപേക്ഷിക്കുന്നതിന് 01/01/2025ൽ 43 (നാൽപ്പത്തിമൂന്ന് )വയസ്സ് തികയാൻ പാടില്ല.

യോഗ്യത :

*കേരളത്തിലെ ഏതെങ്കിലും ഒരു സർവകലാശാലയിൽ നിന്നും 50% മാർക്കിൽ കുറയാതെ ബന്ധപ്പെട്ട വിഷയത്തിൽ നേടിയ ബിരുദാനന്തര ബിരുദം. അല്ലെങ്കിൽ കേരളത്തിലെ ഏതെങ്കിലും ഒരു സർവകലാശാല തത്തുല്യമായി അംഗീകരിച്ചുള്ള ബന്ധപ്പെട്ട വിഷയത്തിലുള്ള യോഗ്യത നേടിയിരിക്കണം.

*കേരളത്തിലെ ഏതെങ്കിലും സർവകലാശാലയിൽ നിന്നും ബന്ധപ്പെട്ട വിഷയത്തിൽ റഗുലർപഠനത്തിലൂടെ നേടിയെ ബി എഡ് , അല്ലെങ്കിൽ കേരളത്തിലെ ഏതെങ്കിലും സർവകലാശാല അംഗീകരിച്ച തത്തുല്യമായ യോഗ്യത

*കേരള സർക്കാർ നേരിട്ടോ അധികാരപ്പെടുത്തിയ ഏജൻസി മുഖേനയോ അദ്ധ്യാപക നിയമനത്തിനായ നടത്തുന്ന സ്റ്റേറ്റ് എലിജിബിലിറ്റി ടെസ്റ്റ് ( സെറ്റ് ) യോഗ്യത