എ​സ്.​ബി.​ഐ​യി​ൽ പ്ര​ബേ​ഷ​ന​റി ഓ​ഫി​സ​റാ​കാം

Whatsapp Group

ഏ​തെ​ങ്കി​ലും വി​ഷ​യ​ത്തി​ൽ അം​ഗീ​കൃ​ത സ​ർ​വ​ക​ലാ​ശാ​ല ബി​രു​ദ​മു​ണ്ടാ​യി​രി​ക്ക​ണം. മെ​ഡി​ക്ക​ൽ, എ​ൻ​ജി​നീ​യ​റി​ങ് ബി​രു​ദ​ക്കാ​ർ​ക്കും ചാ​ർ​ട്ടേ​ർ​ഡ് അ​ക്കൗ​ണ്ട​ന്റ്, കോ​സ്റ്റ് അ​ക്കൗ​ണ്ട​ന്റ് മു​ത​ലാ​യ പ്ര​ഫ​ഷ​ന​ൽ യോ​ഗ്യ​ത​യു​ള്ള​വ​ർ​ക്കും അ​പേ​ക്ഷി​ക്കാം. അ​വ​സാ​ന​വ​ർ​ഷ/​സെ​മ​സ്റ്റ​ർ ബി​രു​ദ പ​രീ​ക്ഷ​യെ​ഴു​തു​ന്ന​വ​രെ​യും വ്യ​വ​സ്ഥ​ക​ൾ​ക്ക് വി​ധേ​യ​മാ​യി പ​രി​ഗ​ണി​ക്കും. 30.09.2025ന് ​മു​മ്പ് യോ​ഗ്യ​താ സ​ർ​ട്ടി​ഫി​ക്ക​റ്റ് ഹാ​ജ​രാ​ക്കി​യാ​ൽ മ​തി.
പ്രാ​യ​പ​രി​ധി:

1.04.2025ൽ 21 ​വ​യ​സ്സ് തി​ക​യ​ണം. 30 വ​യ​സ്സ് ക​വി​യാ​നും പാ​ടി​ല്ല. ഒ.​ബി.​സി നോ​ൺ ക്രീ​മി​ലെ​യ​ർ വി​ഭാ​ഗ​ക്കാ​ർ​ക്ക് മൂ​ന്നു വ​ർ​ഷ​വും എ​സ്.​സി/​എ​സ്.​ടി വി​ഭാ​ഗ​ത്തി​ന് അ​ഞ്ചു വ​ർ​ഷ​വും ഭി​ന്ന​ശേ​ഷി​ക്കാ​ർ​ക്ക് 10 വ​ർ​ഷ​വും വി​മു​ക്ത​ഭ​ട​ന്മാ​ർ​ക്കും മ​റ്റും ച​ട്ട​പ്ര​കാ​ര​വും പ്രാ​യ​പ​രി​ധി​യി​ൽ ഇ​ള​വു​ണ്ട്. വി​ജ്ഞാ​പ​ന​ത്തി​ലെ നി​ർ​ദേ​ശ​പ്ര​കാ​രം ഓ​ൺ​ലൈ​നി​ൽ ര​ജി​സ്റ്റ​ർ ചെ​യ്ത് അ​പേ​ക്ഷി​ക്കേ​ണ്ട​താ​ണ്.
സെ​ല​ക്ഷ​​ൻ:

2025 ജൂ​ലൈ/​ആ​ഗ​സ്റ്റി​ൽ ന​ട​ത്തു​ന്ന ഓ​ൺ​ലൈ​ൻ പ്രി​ലി​മി​ന​റി പ​രീ​ക്ഷ, സെ​പ്റ്റം​ബ​റി​ൽ ന​ട​ത്തു​ന്ന ഓ​ൺ​ലൈ​ൻ മെ​യി​ൻ പ​രീ​ക്ഷ, ഒ​ക്ടോ​ബ​ർ/​ന​വം​ബ​റി​ൽ ന​ട​ത്തു​ന്ന സൈ​ക്കോ മെ​ട്രി​ക് ടെ​സ്റ്റ്, തു​ട​ർ​ന്നു​ള്ള ഇ​ന്റ​ർ​വ്യൂ ആ​ൻ​ഡ് ഗ്രൂ​പ് എ​ക്സ​ർ​സൈ​സ് എ​ന്നി​വ​യു​ടെ അ​ടി​സ്ഥാ​ന​ത്തി​ലാ​ണ് തെ​ര​ഞ്ഞെ​ടു​പ്പ്. പ​രീ​ക്ഷാ​ഘ​ട​ന​യും സി​ല​ബ​സും സെ​ല​ക്ഷ​ൻ ന​ട​പ​ടി​ക​ളും വി​ജ്ഞാ​പ​ന​ത്തി​ലു​ണ്ട്.

കേ​ര​ള​ത്തി​ൽ പ്രി​ലി​മി​ന​റി പ​രീ​ക്ഷ​ക്ക് ആ​ല​പ്പു​ഴ, ക​ണ്ണൂ​ർ, എ​റ​ണാ​കു​ളം, കൊ​ല്ലം, കോ​ട്ട​യം, കോ​ഴി​ക്കോ​ട്, മ​ല​പ്പു​റം, പാ​ല​ക്കാ​ട്, തൃ​ശൂ​ർ, തി​രു​വ​ന​ന്ത​പു​ര​വും​ മെ​യി​ൻ പ​രീ​ക്ഷ​ക്ക് എ​റ​ണാ​കു​ളം, തി​രു​വ​ന​ന്ത​പു​രം, തൃ​ശൂ​ർ എ​ന്നി​വ​യും ല​ക്ഷ​ദ്വീ​പി​ൽ ക​വ​ര​ത്തി​യും പ​രീ​ക്ഷ​കേ​ന്ദ്ര​ങ്ങ​ളാ​ണ്. പ്ര​ബേ​ഷ​ന​റി ഓ​ഫി​സ​ർ ത​സ്തി​ക​യി​ലെ ശ​മ്പ​ള​നി​ര​ക്ക് 48,480-85,920 രൂ​പ​യാ​ണ്. തു​ട​ക്ക​ത്തി​ൽ അ​ടി​സ്ഥാ​ന ശ​മ്പ​ള​ത്തോ​ടൊ​പ്പം നാ​ല് അ​ഡ്വാ​ൻ​സ് ഇ​ൻ​ക്രി​മെ​ന്റ് കൂ​ടി ല​ഭി​ക്കും. ഡി.​എ, എ​ച്ച്.​ആ​ർ.​എ, സി.​സി.​എ, പ്രൊ​വി​ഡ​ന്റ് ഫ​ണ്ട്, കോ​ൺ​ട്രി​ബ്യൂ​ട്ട​റി പെ​ൻ​ഷ​ൻ മു​ത​ലാ​യ ആ​നു​കൂ​ല്യ​ങ്ങ​ളു​മു​ണ്ട്. വ​ർ​ഷ​ത്തി​ൽ ഏ​ക​ദേ​ശം 20.43 ല​ക്ഷം രൂ​പ ശ​മ്പ​ളം ല​ഭി​ച്ചേ​ക്കും.

തെ​ര​ഞ്ഞെ​ടു​ക്ക​പ്പെ​ടു​ന്ന​വ​ർ മൂ​ന്നു​വ​ർ​ഷ​ത്തി​ൽ കു​റ​യാ​തെ സേ​വ​ന​മ​നു​ഷ്ഠി​ച്ചു​കൊ​ള്ളാ​മെ​ന്ന് കാ​ണി​ച്ച് ര​ണ്ടു ല​ക്ഷം രൂ​പ​യു​ടെ ബോ​ണ്ട് ന​ൽ​കേ​ണ്ട​തു​ണ്ട്. പ​രി​ശീ​ല​നം പൂ​ർ​ത്തി​യാ​ക്കു​ന്ന​വ​രെ ജൂ​നി​യ​ർ മാ​നേ​ജ്മെ​ന്റ് ഗ്രേ​ഡ് സ്കെ​യി​ൽ ഒ​ന്നി​ൽ ഓ​ഫി​സ​റാ​യി നി​യ​മി​ക്കും. ഇ​ന്ത്യ​യി​ലെ​വി​ടെ​യും ജോ​ലി ചെ​യ്യാ​ൻ ബാ​ധ്യ​സ്ഥ​മാ​ണ്.