.jpg)
പ്രിയദര്ശിനി പദ്ധതി മൂലം കടുത്ത പ്രതിസന്ധി: കാസര്കോട് ഇന്ന് സ്വകാര്യ ബസ് പണി മുടക്ക്
പ്രതിസന്ധിയെ തുടര്ന്ന് ചില ബസുകള് നേരത്തെ തന്നെ സര്വീസ് അവസാനിപ്പിച്ചിരുന്നു.
പ്രിയദര്ശിനി സൗജന്യ യാത്രാ പദ്ധതി മൂലമുള്ള കടുത്ത പ്രതിസന്ധി ചൂണ്ടിക്കാട്ടി കാസര്കോട് ജില്ലയിലെ സ്വകാര്യ ബസുകള് ഇന്ന് പണിമുടക്കും. ബസ് ഓപ്പറേറ്റേഴ്സ് ഫെഡറേഷന്റെ നേതൃത്വത്തില് കളക്ടറേറ്റിലേക്ക് മാര്ച്ച് നടത്താനാണ് തീരുമാനം. കെഎസ്ആര്ടിസി ബസുകളില് പ്രിയദര്ശിനി പദ്ധതി നടപ്പിലാക്കിയതോടെ അന്തര് സംസ്ഥാന റൂട്ടുകളിലടക്കം യാത്രക്കാര് വന്തോതില് കുറഞ്ഞെന്നാണ് ബസ് ഉടമകളുടെ പരാതി. പ്രതിസന്ധിയെ തുടര്ന്ന് ചില ബസുകള് നേരത്തെ തന്നെ സര്വീസ് അവസാനിപ്പിച്ചിരുന്നു.
കാസര്കോട് നിന്നുള്ള അന്തര് സംസ്ഥാന യാത്രകള്ക്ക് അടക്കം കെഎസ്ആര്ടിസി ബസുകളെയാണ് ഇപ്പോള് യാത്രക്കാര് ആശ്രയിക്കുന്നത്. കാസര്കോട് എഴ് ബസ് റൂട്ടുകളോളം കര്ണാടകയുമായി ബന്ധിപ്പിക്കുന്നതാണ്. ഈ റൂട്ടുകളിലൊന്നും സ്ത്രീ യാത്രക്കാര് സ്വകാര്യ ബസുകളില് കയറുന്നില്ല.
തൊഴിലാളികള്ക്ക് ശമ്പളം പോലും കൊടുക്കാന് കഴിയാത്ത സ്ഥിതിയാണ് സ്വകാര്യ ബസ് മേഖലയിലുള്ളതെന്നും ഉടമകള് പറയുന്നു. കാസര്കോട് വെറും മൂന്ന് റൂട്ടുകളില് മാത്രമാണ് കെഎസ്ആര്ടിസി ബസുകള് ഇല്ലാത്തത്. എന്നാല് ഇതൊക്കെ പരമാവധി 15 -18 രൂപ പോയിന്റുകള് മാത്രമാണെന്നതും പ്രതിസന്ധിയാണ്.