സ്വകാര്യ ബസ് അമിതവേഗത്തിലാണോ? ഗതാഗതനിയമങ്ങൾ ലംഘിക്കുന്നോ? യാത്രക്കാരന് മൊബൈലിലൂടെ പരാതിപ്പെടാം

Whatsapp Group

വാട്‌സാപ്പിലേക്ക് നിയമലംഘനങ്ങളുടെ ചിത്രങ്ങളും വീഡിയോകളും അയച്ചുനൽകാം. ബസ് ഉടമയുടെ നമ്പരുമുണ്ടാവും. ഉടമയോട് ഫോണിൽ വിളിച്ച് പരാതിപ്പെടാം. വാട്‌സാപ്പിൽ അയച്ചുകിട്ടുന്ന വീഡിയോകളുടെയും ചിത്രങ്ങളുടെയും ആധികാരികത ആദ്യം പരിശോധിക്കും. തുടർന്ന് നിയമലംഘനം അനുസരിച്ച് പിഴയോ കടുത്തനടപടികളോ സ്വീകരിക്കുമെന്ന് മോട്ടോർവാഹനകുപ്പ് ഉദ്യോഗസ്ഥർ അറിയിച്ചു.

ഘട്ടംഘട്ടമായി പദ്ധതി നടപ്പാക്കും. വാർഷിക പരിശോധനയ്ക്ക് ബസ് എത്തിക്കുമ്പോൾ നമ്പരെഴുതിയ സ്റ്റിക്കറുകളും പതിപ്പിക്കും. ഇങ്ങനെ സ്റ്റിക്കറുകൾ വാഹനവകുപ്പ് ഉദ്യോഗസ്ഥർ പതിപ്പിച്ചുതുടങ്ങിക്കഴിഞ്ഞു. ബസുകളുടെ മത്സരയോട്ടവും മൊബൈലിൽ സംസാരിച്ചുകൊണ്ട് വാഹനം ഓടിക്കുന്നതും വർധിച്ച സാഹചര്യത്തിൽ മന്ത്രി കെ.ബി.ഗണേഷ്‌കുമാർ വിളിച്ചുചേർത്ത മോട്ടോർവാഹനവകുപ്പ് ഉദ്യോഗസ്ഥരുടെ യോഗത്തിലാണ് തീരുമാനം.

ജില്ലാ എൻഫോഴ്‌സ്‌മെന്റ് ആർടിഒ നമ്പർ

    തിരുവനന്തപുരം-9188961001
    കൊല്ലം-9188961002
    പത്തനംതിട്ട-9188961003
    ആലപ്പുഴ-9188961004
    കോട്ടയം-9188961005
    ഇടുക്കി-9188961006
    എറണാകുളം-9188961007
    തൃശ്ശൂർ-9188961008
    പാലക്കാട്-9188961009
    മലപ്പുറം-9188961010
    കോഴിക്കോട്-9188961011
    വയനാട്-9188961012
    കണ്ണൂർ-9188961013
    കാസർകോട്-9188961014

പദ്ധതി ആദ്യം നടപ്പാക്കിയത് കെഎസ്ആർടിസി ബസുകളിലാണ്. 9188619380 എന്ന വാട്സാപ്പ് നമ്പരാണ് അതിന് നൽകിയിട്ടുള്ളത്. 24 മണിക്കൂറും ജനങ്ങൾക്ക് പരാതി നൽകാം. ഈ സംവിധാനം വിജയകരമായതോടെയാണ് സ്വകാര്യ ബസിലും പദ്ധതി നടപ്പാക്കുന്നതെന്ന് വാഹനവകുപ്പ് ഉദ്യോഗസ്ഥർ പറഞ്ഞു.