.jpg)
പൊങ്കാലയ്ക്ക് ശേഷമുള്ള ശുചീകരണം: വീഴ്ചയുണ്ടോ എന്ന് പരിശോധിക്കാൻ ആര്ഡിഒ യെ ചുമതലപ്പെടുത്തി
തിരുവനന്തപുരം: ആറ്റുകാല് പൊങ്കാലയ്ക്ക് ശേഷമുള്ള ശുചീകരണത്തിൽ വീഴ്ചയുണ്ടോ എന്ന് പരിശോധിക്കാൻ നിര്ദേശം. മന്ത്രി വി ശിവന്കുട്ടിയാണ് ഇത് സംബന്ധിച്ച് ആര്ഡിഒയെ ചുമതലപ്പെടുത്തിയത്. കോര്പ്പറേഷനാണ് ശുചീകരണ ചുമതലയെങ്കിലും എവിടെയെങ്കിലും പോരായ്മകള് ഉണ്ടെങ്കില് അവ പരിഹരിക്കാന് കര്ശനമായ ഇടപെടലുകള് ഉണ്ടാകുമെന്നും മന്ത്രി പറഞ്ഞു. ചിലയിടങ്ങളില് മാലിന്യനീക്കം വൈകുന്നതായും ശുചീകരണത്തില് വീഴ്ച സംഭവിച്ചതായുമുള്ള മാധ്യമ വാര്ത്തകളുടെ അടിസ്ഥാനത്തിലാണ് മന്ത്രിയുടെ നടപടി.
tRootC1469263">'ഭക്തജനലക്ഷങ്ങള് എത്തിയ ഉത്സവത്തിന് ശേഷം നഗരം എത്രയും വേഗം വൃത്തിയാക്കേണ്ടത് ആരോഗ്യ സുരക്ഷയ്ക്കും സുഗമമായ ഗതാഗതത്തിനും അത്യാവശ്യമാണ്. ഈ സാഹചര്യത്തില്, ശുചീകരണ പ്രവര്ത്തനങ്ങളില് എവിടെയെങ്കിലും വീഴ്ചയുണ്ടോ എന്ന് നേരിട്ട് പരിശോധിച്ച് അടിയന്തര റിപ്പോര്ട്ട് നല്കാന് തിരുവനന്തപുരം ആര്ഡിഒ - യെ ചുമതലപ്പെടുത്തി' - മന്ത്രി പറഞ്ഞു.
