.jpg)
കരിപ്പൂര് പൊലീസ് സ്റ്റേഷന് ജപ്തി നോട്ടീസ്
Sep 16, 2023, 12:03 IST
മലപ്പുറം: കരിപ്പൂര് പൊലീസ് സ്റ്റേഷന്റെ വായ്പ തിരിച്ചടവ് മുടങ്ങിയതിനെ തുടർന്ന് കനറ ബാങ്ക് ജപ്തി നോട്ടീസ് പതിച്ചു. പൊലീസ് സ്റ്റേഷന് പ്രവര്ത്തിക്കുന്നത് കെ.സി. സെയ്തലവി എന്നയാളുടെ പേരിലുള്ള വാടകക്കെട്ടിടത്തിലാണ്. ഈ കെട്ടിടം ഉള്പ്പെടെയുള്ള സ്ഥലത്തിന്റെ രേഖകള് സമര്പ്പിച്ച് കനറ ബാങ്കില് നിന്ന് വായ്പ എടുത്തിരുന്നു.
tRootC1469263">കെ.സി കോക്കനട്ട് പ്രൊഡക്ഷന് കമ്പനിയുടെ പേരില് 5.69 കോടി രൂപയാണ് വായ്പ എടുത്തത്. എന്നാല്, തിരിച്ചടവ് മുടങ്ങിയതോടെയാണ് കനറ ബാങ്ക് ജപ്തി നടപടിയിലേക്ക് നീങ്ങിയത്. 60 ദിവസത്തിനകം പണം അടച്ചില്ലെങ്കില് 17.5 സെന്റ് സ്ഥലവും കെട്ടിടവും ജപ്തി ചെയ്യുമെന്നാണ് നോട്ടീസ്.
