വെള്ളരിക്കുണ്ടിൽ പൊലീസ് ജീപ്പും ഓട്ടോയും കൂട്ടിയിടിച്ച് അപകടം; ഓട്ടോ ഡ്രൈവർ മരിച്ചു: പോലീസിനെതിരെ പ്രതിഷേധവുമായി നാട്ടുകാർ

 കാസർഗോഡ് : വെള്ളരിക്കുണ്ടിൽ പൊലിസ് ജീപ്പും ഓട്ടോയും കൂട്ടിയിടിച്ച് ഓട്ടോ ഡ്രൈവർ മരിച്ചു. പുങ്ങംചാലിലെ കൊടിയംകുണ്ട് വീട്ടിൽ രാജുവാണ് (52) മരണപ്പെട്ടത്. വ്യാഴാഴ്ച രാത്രി 7:30-ഓടെ വെള്ളരിക്കുണ്ട് താലൂക്ക് ഓഫീസ് പരിസരത്തായിരുന്നു അപകടം നടന്നത്. അപകടത്തിൽ പോലീസ് ജീപ്പിലുണ്ടായിരുന്ന എ.എസ്.ഐ.യ്ക്കും പരിക്കേറ്റിട്ടുണ്ട്.വെള്ളരിക്കുണ്ട് സ്റ്റേഷനിലെ പൊലീസ് ജീപ്പാണ് അപകടത്തിൽപ്പെട്ടത്. സ്റ്റേഷനിലെ ഒരു ഉദ്യോഗസ്ഥന്റെ വിരമിക്കൽ ചടങ്ങിൽ പങ്കെടുക്കാൻ പോവുകയായിരുന്നു പൊലീസുകാർ. 

അപകടത്തിന് തൊട്ടുപിന്നാലെ പോലീസ് വാഹനം ക്രെയിൻ ഉപയോഗിച്ച് അപകടസ്ഥലത്തുനിന്ന് മാറ്റാൻ ശ്രമിച്ചത് നാട്ടുകാരുടെ വലിയ പ്രതിഷേധത്തിനിട യാക്കി. തെളിവ് നശിപ്പിക്കാൻ പോലീസ് ശ്രമിക്കുന്നുവെന്ന് ആരോപിച്ച് നാട്ടുകാർ രംഗത്തെത്തിയതോടെ പൊലിസ് വാഹനം നീക്കുന്നത് നിർത്തിവെച്ചു. പരിക്കേറ്റ രാജുവിനെ നാട്ടുകാർ ഉടൻ തന്നെ ആശുപത്രിയിലെ ത്തിച്ചെങ്കിലും ജീവൻ രക്ഷിക്കാനായില്ല.