.jpg)
പേരക്കുട്ടിയെ തിരഞ്ഞ് വീട്ടിലെത്തിയ പൊലീസ് അമ്മൂമ്മയെ മര്ദ്ദിച്ചതായി പരാതി
ഗുരുവായൂര് താമരയൂര് സ്വദേശി ജമീലയെ (65) ആശുപത്രിയില് പ്രവേശിപ്പിച്ചു.
പേരക്കുട്ടിയെ തിരഞ്ഞ് വീട്ടിലെത്തിയ പൊലീസ് അമ്മൂമ്മയെ മര്ദ്ദിച്ചതായി പരാതി. പൊലീസ് അതിക്രമത്തില് മര്ദനമേറ്റതായി പറഞ്ഞ് ഗുരുവായൂര് താമരയൂര് സ്വദേശി ജമീലയെ (65) ആശുപത്രിയില് പ്രവേശിപ്പിച്ചു. ബുധനാഴ്ച വൈകിട്ട് അഞ്ച് മണിയോടെയാണ് സംഭവം.
ജമീലയുടെ മകള് നൗഷജയുടെ മകന് റിസാലിനെ തിരഞ്ഞാണ് ഗുരുവായൂര് പൊലീസ് ഇവരുടെ വീട്ടിലെത്തിയത്. അടിപിടി കേസില് ഉള്പ്പെട്ട റിസാല് വീട്ടിലില്ല എന്ന് പറഞ്ഞിട്ടും പൊലീസ് അത് വകവെക്കാതെ വീടിനകത്ത് കയറി പരിശോധന നടത്തുകയായിരുന്നു. തുടര്ന്ന് റിസാലിന്റെ മുറിയില് കയറിയ പൊലീസ് അലമാര തുറന്ന് പരിശോധിക്കാന് ശ്രമിച്ചു. ഇത് ചോദ്യം ചെയ്തതപ്പോഴാണ് വയോധികയോട് പൊലീസ് ക്രൂരത കാട്ടിയതെന്നു പറയുന്നു. അലമാര തുറക്കുന്നത് എന്തിനാണെന്ന് ചോദിച്ചപ്പോള് കവിളില് കൂട്ടിപ്പിടിച്ച് നിലത്തേക്ക് തള്ളിയിടുകയായിരുന്നുവെന്ന് ആശുപത്രിയില് കഴിയുന്ന ജമീല പറഞ്ഞു.