.jpg)
രാഹുല് മാങ്കൂട്ടത്തിലിന്റെ മുന്കൂര് ജാമ്യാപേക്ഷയെ എതിര്ത്ത് പരാതിക്കാരി; ഹൈക്കോടതിയില് അപേക്ഷ നല്കി
മുന്കൂര് ജാമ്യാപേക്ഷ പരിഗണിക്കാന് ഇരിക്കെയാണ് കക്ഷി ചേരാനുള്ള അപേക്ഷ നല്കിയിരിക്കുന്നത്. തീരുമാനമെടുക്കും മുമ്പ് തന്നെ കേള്ക്കണമെന്ന് അതിജീവിത ആവശ്യപ്പെട്ടു.
രാഹുല് മാങ്കൂട്ടത്തില് എംഎല്എ പ്രതിയായ ബലാത്സംഗക്കേസില് പരാതിക്കാരി ഹൈക്കോടതിയില്. മുന്കൂര് ജാമ്യാപേക്ഷയെ എതിര്ത്ത് പരാതിക്കാരി ഹൈക്കോടതിയെ സമീപിച്ചു. ഹര്ജിയില് കക്ഷി ചേര്ക്കണമെന്നാവശ്യപ്പെട്ടാണ് അതിജീവിത ഹൈക്കോടതിയില് അപേക്ഷ നല്കിയത്. മുന്കൂര് ജാമ്യാപേക്ഷ പരിഗണിക്കാന് ഇരിക്കെയാണ് കക്ഷി ചേരാനുള്ള അപേക്ഷ നല്കിയിരിക്കുന്നത്. തീരുമാനമെടുക്കും മുമ്പ് തന്നെ കേള്ക്കണമെന്ന് അതിജീവിത ആവശ്യപ്പെട്ടു.
tRootC1469263">താന് നല്കിയ പരാതിയില് രാഹുല് മാങ്കൂട്ടത്തിലിനെ ചോദ്യം ചെയ്യാന് പൊലീസ് തയ്യാറാകുന്നില്ലെന്ന് കേസിലെ അതിജീവിതയുടെ ഭര്ത്താവ് ആരോപിച്ചിരുന്നു. എറണാകുളം പ്രസ് ക്ലബ്ബില് നടത്തിയ വാര്ത്താ സമ്മേളനത്തിലായിരുന്നു ആരോപണം. കുടുംബപ്രശ്നത്തില് ഇടപെടാനെന്ന് പറഞ്ഞ് എത്തിയ രാഹുല് തന്റെ കുടുംബ ജീവിതം തകര്ത്തുവെന്നും യുവാവ് ആരോപിച്ചിരുന്നു.
ഇക്കാര്യം ചൂണ്ടിക്കാട്ടി മുഖ്യമന്ത്രിക്കും ഡിജിപിക്കും പരാതി നല്കിയെങ്കിലും തുടര് നടപടി ഉണ്ടായില്ലെന്നും യുവാവ് പറഞ്ഞിരുന്നു. രാഹുലിന്റെ എംഎല്എ സ്ഥാനമാണ് കോണ്ഗ്രസ് ആദ്യം രാജിവെപ്പിക്കേണ്ടതെന്നും യുവാവ് ആവശ്യപ്പെട്ടു. തനിക്കും നീതി കിട്ടണമെന്നും അദ്ദേഹം പറഞ്ഞു.