.jpg)
പത്തനംതിട്ടയിൽ നിന്ന് തങ്ക അങ്കി ഘോഷയാത്ര പുറപ്പെട്ടു
പത്തനംതിട്ട : ശബരിമല അയ്യപ്പ വിഗ്രഹത്തില് മണ്ഡല പൂജയ്ക്ക് ചാര്ത്താനുള്ള തങ്ക അങ്കി വഹിച്ചുള്ള രഥഘോഷയാത്ര ആറന്മുള പാര്ത്ഥസാരഥി ക്ഷേത്രത്തില് നിന്ന് പുറപ്പെട്ടു. ക്ഷേത്രത്തിലെ ആനക്കൊട്ടിലില് രാവിലെ അഞ്ച് മുതല് ഏഴ് വരെ തങ്ക അങ്കി ദര്ശനം നടന്നു. തുടര്ന്ന് പ്രത്യേകം തയ്യാറാക്കിയ രഥത്തില് പോലീസ് സുരക്ഷ അകമ്പടിയോടെ ആറന്മുള കിഴക്കേ നടയില് നിന്ന് ഘോഷയാത്ര പുറപ്പെട്ടു. ജില്ലാ പൊലീസ് മേധാവി ആര് ആനന്ദ്, തിരുവിതാംകൂര് ദേവസ്വം ബോര്ഡ് അംഗങ്ങളായ കെ രാജു, പി ഡി സന്തോഷ് കുമാര്, ദേവസ്വം കമ്മിഷണര് ബി സുനില് കുമാര്, ഡെപ്യൂട്ടി കമ്മിഷണര് മുരളീധരന് നായര്, ദേവസ്വം ബോര്ഡ് സെക്രട്ടറി പി എന് ഗണേശ്വരന് പോറ്റി, ദേവസ്വം സാംസ്കാരിക - പുരാവസ്തു വിഭാഗം ഡയറക്ടര് പി ദീലീപ് കുമാര്, ജനപ്രതിനിധികള് തുടങ്ങിയവര് പങ്കെടുത്തു.
tRootC1469263">തങ്ക അങ്കി ഘോഷയാത്ര എത്തുന്ന സ്ഥലങ്ങളും സമയവും എന്ന ക്രമത്തില് :
ഡിസംബര് 24ന് രാവിലെ 8ന് ഓമല്ലൂര് ശ്രീ രക്തകണ്ഠ സ്വാമി ക്ഷേത്രം(ആരംഭം). 9ന് കൊടുന്തറ സുബ്രഹ്മണ്യ സ്വാമി ക്ഷേത്രം. 10ന് അഴൂര് ജംഗ്ഷന്. 10.45ന് പത്തനംതിട്ട ഊരമ്മന് കോവില്. 11ന് പത്തനംതിട്ട ശാസ്താക്ഷേത്രം. 11.30ന് കരിമ്പനയ്ക്കല് ദേവിക്ഷേത്രം. 12ന് ശാരദാമഠം മുണ്ടുകോട്ടയ്ക്കല് എസ്എന്ഡിപി മന്ദിരം. 12.30ന് വിഎസ്എസ് 78-ാം നമ്പര് ശാഖ കടമ്മനിട്ട. ഉച്ചയ്ക്ക് 1ന് കടമ്മനിട്ട ഭഗവതിക്ഷേത്രം (ഉച്ചഭക്ഷണം, വിശ്രമം). ഉച്ചകഴിഞ്ഞ് 2.15ന് കടമ്മനിട്ട ഋഷികേശ ക്ഷേത്രം. 2.30ന് കോട്ടപ്പാറ കല്ലേലിമുക്ക്. 2.45ന് പേഴുംകാട് എസ്എന്ഡിപി മന്ദിരം. 3.15ന് മേക്കൊഴൂര് ക്ഷേത്രം. 3.45ന് മൈലപ്ര ഭഗവതി ക്ഷേത്രം. 4.15ന് കുമ്പഴ ജംഗ്ഷന്. 4.30ന് പാലമറ്റൂര് അമ്പലമുക്ക്. 4.45ന് പുളിമുക്ക്. 5.30ന് വെട്ടൂര് ശ്രീ മഹാവിഷ്ണു ക്ഷേത്ര ഗോപുരപ്പടി. 6.15ന് ഇളകൊള്ളൂര് മഹാദേവക്ഷേത്രം. രാത്രി 7.15ന് ചിറ്റൂര് മുക്ക്. രാത്രി 7.45ന് കോന്നി ടൗണ്. രാത്രി 8ന് കോന്നി ചിറയ്ക്കല് ക്ഷേത്രം. രാത്രി 8.30ന് കോന്നി മുരിങ്ങമംഗലം ക്ഷേത്രം(രാത്രി ഭക്ഷണം, വിശ്രമം).
ഡിസംബര് 25ന് രാവിലെ 7.30ന് കോന്നി മുരിങ്ങമംഗലം ക്ഷേത്രം(ആരംഭം). 8ന് ചിറ്റൂര് മഹാദേവ ക്ഷേത്രം. 8.30ന് അട്ടച്ചാക്കല്. 9ന് വെട്ടൂര് ക്ഷേത്രം (പ്രഭാതഭക്ഷണം). 10.30ന് മൈലാടുംപാറ, 11ന് കോട്ടമുക്ക്. 12ന് മലയാലപ്പുഴ ക്ഷേത്രം. 1ന് മലയാലപ്പുഴ താഴം. 1.15ന് മണ്ണാറക്കുളഞ്ഞി. 3ന് തോട്ടമണ്കാവ് ക്ഷേത്രം. 3.30ന് റാന്നി രാമപുരം ക്ഷേത്രം(ഭക്ഷണം, വിശ്രമം). 5.30ന് ഇടക്കുളം ശാസ്താക്ഷേത്രം. 6.30ന് വടശേരിക്കര ചെറുകാവ്. രാത്രി 7ന് വടശേരിക്കര പ്രയാര് മഹാവിഷ്ണു ക്ഷേത്രം. രാത്രി 7.45ന് മാടമണ് ക്ഷേത്രം. രാത്രി 8.30ന് പെരുനാട് ശാസ്താ ക്ഷേത്രം (രാത്രി ഭക്ഷണം, വിശ്രമം).
ഡിസംബര് 26ന് രാവിലെ ഏഴിന് പെരുനാട് ശാസ്താ ക്ഷേത്രം (ആരംഭം). 9ന് ളാഹ സത്രം. 10ന് പ്ലാപ്പള്ളി. 11ന് നിലയ്ക്കല് ക്ഷേത്രം. ഉച്ചയ്ക്ക് 1ന് ചാലക്കയം. 1.30ന് പമ്പ(വിശ്രമം). പമ്പയില് നിന്ന് ഉച്ചകഴിഞ്ഞ് മൂന്നിനു പുറപ്പെട്ട് വൈകുന്നേരം അഞ്ചിന് ശരംകുത്തിയില് എത്തും. ഇവിടെ നിന്നും ആചാരപൂര്വം സ്വീകരിച്ച് സന്നിധാനത്തേക്ക് ആനയിക്കും. പതിനെട്ടാംപടി കയറി സോപാനത്ത് എത്തുമ്പോള് തന്ത്രിയും മേല്ശാന്തിയും ചേര്ന്ന് ഏറ്റുവാങ്ങി അയ്യപ്പ വിഗ്രഹത്തില് തങ്ക അങ്കി ചാര്ത്തി 6.30ന് ദീപാരാധന നടക്കും. 27ന് ഉച്ചയ്ക്ക് തങ്ക അങ്കി ചാര്ത്തി മണ്ഡല പൂജ.