നെല്ലിന്റെ സംഭരണവില 31 രൂപയായി ഉയർത്തി; സീസൺ മുതൽ നിലവിൽ വരുമെന്ന് മുഖ്യമന്ത്രി വി.ഡി. സതീശൻ

തിരുവനന്തപുരം: സംസ്ഥാനത്ത് നെല്ലിന്റെ സംഭരണവില കിലോഗ്രാമിന് ഒരു രൂപ വർധിപ്പിച്ച് 31 രൂപയാക്കിയതായി മുഖ്യമന്ത്രി വി.ഡി. സതീശൻ അറിയിച്ചു. 2026-27 സീസൺ മുതൽ പുതിയ നിരക്ക് പ്രാബല്യത്തിൽ വരും. നിലവിൽ കിലോഗ്രാമിന് 30 രൂപയാണ് സംഭരണവില. നെല്ല് സംഭരണത്തിനായി 38 മില്ലുകളുമായി സർക്കാർ കരാറിൽ ഒപ്പിട്ടതായും മുഖ്യമന്ത്രി ഫെയ്സ്ബുക്ക് കുറിപ്പിലൂടെ വ്യക്തമാക്കി.

കർഷകരുടെ അധ്വാനത്തിന് ന്യായമായ വില ഉറപ്പാക്കുകയും നെൽകൃഷിക്ക് കൃത്യമായ പിന്തുണ നൽകുകയും ചെയ്യുന്നതിലൂടെ കാർഷിക മേഖലയെ കൂടുതൽ ശക്തിപ്പെടുത്തുകയാണ് സർക്കാരിന്റെ ലക്ഷ്യമെന്ന് അദ്ദേഹം പറഞ്ഞു. 2026-ലെ നിയമസഭാ തെരഞ്ഞെടുപ്പ് പ്രചാരണ വേളയിൽ യു.ഡി.എഫ് മുന്നോട്ടുവെച്ച പ്രധാന വാഗ്ദാനങ്ങളിലൊന്നായിരുന്നു നെല്ലിന്റെ സംഭരണവില വർധിപ്പിക്കുമെന്നത്. പ്രഖ്യാപനം പ്രാബല്യത്തിലാകുന്നതോടെ സംസ്ഥാനത്തെ ആയിരക്കണക്കിന് നെൽകർഷകർക്ക് ആശ്വാസമാകും.