.jpg)
കൈ മുറിച്ച് മാറ്റിയ കുട്ടിക്ക് സ്പോണ്സര്ഷിപ്പ് പദ്ധതിയിലൂടെ പരിരക്ഷ ഉറപ്പാക്കാന് ഉത്തരവ്
ഇത് കൂടാതെ മുഖ്യമന്ത്രിയുടെ ദുരിതാശ്വാസ നിധിയില് നിന്നും 2 ലക്ഷം രൂപ അനുവദിച്ചിരുന്നു.
പാലക്കാട്: വലത് കൈ മുറിച്ച് മാറ്റേണ്ടി വന്ന പെണ്കുട്ടിക്ക് വനിത ശിശുവികസന വകുപ്പിന്റെ സ്പോണ്സര്ഷിപ്പ് പദ്ധതി പ്രകാരം പരിരക്ഷ ഉറപ്പാക്കാന് ഉത്തരവിറക്കി ആരോഗ്യ വനിത ശിശുവികസന വകുപ്പ്.കുട്ടിക്ക് നിലവില് കൃത്രിമ കൈ വയ്ക്കേണ്ടതുണ്ടെന്നും അതിന് ഭീമമായ തുക ആവശ്യമുണ്ടെന്നും കണ്ടെത്തിയിരുന്നു.
tRootC1469263">കൂടാതെ കുട്ടിയുടെ കുടുംബം സാമ്ബത്തികമായി പിന്നോക്കം നില്ക്കുന്നതായും കണ്ടെത്തിയിരുന്നു. കുട്ടിയ്ക്ക് അടിയന്തിരമായി ധനസഹായം നല്കേണ്ടതിന്റെ ആവശ്യകത പരിഗണിച്ചാണ് മിഷന് വാത്സല്യ മാര്ഗരേഖ പ്രകാരമുള്ള സ്പോണ്സര്ഷിപ്പ് പദ്ധതിയില് ഉള്പ്പെടുത്തി അനുമതി നല്കി ഉത്തരവായത്.
കൃത്രിമ കൈ വയ്ക്കാന് ബാല നിധിയില് നിന്നും ഫണ്ട് ലഭ്യമാക്കും. സംഭവത്തെ തുടര്ന്ന് മന്ത്രി വീണാ ജോര്ജ് അന്വേഷണത്തിന് നിര്ദേശം നല്കുകയും കുട്ടിക്ക് ആവശ്യമായ വിദഗ്ധ ചികിത്സ ഉറപ്പാക്കാന് നിര്ദേശം നല്കുകയും ചെയ്തു. ഇത് കൂടാതെ മുഖ്യമന്ത്രിയുടെ ദുരിതാശ്വാസ നിധിയില് നിന്നും 2 ലക്ഷം രൂപ അനുവദിച്ചിരുന്നു.
സെപ്റ്റംബര് 24ന് കളിക്കുന്നതിനിടെ വീണപ്പോഴാണ് കുട്ടിക്ക് കൈയ്ക്ക് പരിക്കേറ്റത്. അന്ന് തന്നെ പാലക്കാട് ജില്ലാ ആശുപത്രിയില് ചികിത്സ തേടിയിരുന്നു. കൈയില് പ്ലാസ്റ്റർ ഇടുകയും ചെയ്തു. പ്ലാസ്റ്റർ ഇട്ട ശേഷവും കുട്ടിക്ക് വേദന ഉണ്ടെന്ന് അറിയിച്ചപ്പോള് അഞ്ച് ദിവസം കഴിഞ്ഞ് വരാൻ ഡോക്ടർമാർ പറഞ്ഞു.
പ്ലാസ്റ്റർ മാറ്റിയപ്പോള് കുട്ടിയുടെ കൈയില് രക്തയോട്ടം നിലച്ചിരുന്നെന്നും കൈ അഴുകിയ നിലയിലായിരുന്നെന്നും അമ്മ പ്രസീത ആരോപിച്ചിരുന്നു. പിന്നീട് തുടർ ചികിത്സക്കായി മറ്റൊരു ആശുപത്രിയെ സമീപിക്കാൻ ഡോക്ടർമാർ പറയുകയായിരുന്നു. സാമ്ബത്തിക ബുദ്ധിമുട്ടുള്ളതിനാല് സ്വകാര്യ ആശുപത്രിയില് പോകാനുള്ള ശേഷി ഇല്ലായിരുന്നു. തുടർന്ന് കോഴിക്കോട് മെഡിക്കല് കോളേജ് ആശുപത്രിയില് കുട്ടിയെ എത്തിക്കുകയും കൈ മുറിച്ച് മാറ്റുകയും ചെയ്യേണ്ടി വന്നു.