.jpg)
പത്തനംതിട്ട കക്കി ഡാമില് ഓറഞ്ച് അലേര്ട്ട് ;സമീപവാസികള്ക്ക് ജാഗ്രതാ നിര്ദ്ദേശം
പമ്പാ നദിയുടെയും കക്കാട്ടാറിന്റെ ഇരുകരകളില് താമസിക്കുന്നവരും പൊതുജനങ്ങളും ജാഗ്രത പുലര്ത്തണമെന്നാണ് മുന്നറിയിപ്പ്.
മഴ ശക്തമായതിന് പിന്നാലെ പത്തനംതിട്ട കക്കി ഡാമില് ഓറഞ്ച് അലേര്ട്ട്. പ്രദേശവാസികള് ജാഗ്രത പാലിക്കണമെന്നാണ് അറിയിപ്പ്. കക്കി ആനത്തോട് ഡാമിലെ ജലനിരപ്പ് ഓറഞ്ച് മുന്നറിയിപ്പ് നിലയായ 974.36 മീറ്ററില് എത്തിയ സാഹചര്യത്തില് പമ്പാ നദിയുടെയും കക്കാട്ടാറിന്റെ ഇരുകരകളില് താമസിക്കുന്നവരും പൊതുജനങ്ങളും ജാഗ്രത പുലര്ത്തണമെന്നാണ് മുന്നറിയിപ്പ്. ജില്ലാ ദുരന്തനിവാരണ അതോറിറ്റി ചെയര്പേഴ്സണ് കൂടിയായ ജില്ലാ കലക്ടര് എസ്. പ്രേംകൃഷ്ണന് ആണ് മുന്നറിയിപ്പ് നല്കിയത്.
tRootC1469263">
ഡാമിലെ ജലനിരപ്പ് ചുവപ്പ് മുന്നറിയിപ്പ് നിലയായ 974.86 മീറ്ററില് എത്തിയാല് ആവശ്യമെങ്കില് നിയന്ത്രിത അളവില് ജലം പുറത്തേക്ക് ഒഴുക്കി വിടും. ഈ സാഹചര്യത്തില് താഴ്ന്ന പ്രദേശങ്ങളില് താമസിക്കുന്നവര് കൂടുതല് ജാഗ്രത പുലര്ത്തണമെന്നും നദികളിലിറങ്ങുന്നത് ഏതു സാഹചര്യത്തിലും ഒഴിവാക്കണമെന്നും ജില്ലാ കലക്ടര് അറിയിച്ചു.
