.jpg)
സംസ്ഥാനത്ത് ഏറ്റവും ഉയര്ന്ന അള്ട്രാവയലറ്റ് സൂചിക മൂന്നാറിൽ, ഓറഞ്ച് അലര്ട്ട് പ്രഖ്യാപിച്ചു
അള്ട്രാ വയലറ്റ് സൂചിക 6 മുതല് 7 വരെ യെല്ലോ അലര്ട്ടും 8 മുതല് 10 വരെ ഓറഞ്ച് അലര്ട്ടും 11ന് മുകളില് എത്തുമ്ബോള് റെഡ് അലര്ട്ടുമാണ് പ്രഖ്യാപിക്കുക.
കൊല്ലം: സംസ്ഥാനത്ത് ഏറ്റവും ഉയര്ന്ന അള്ട്രാവയലറ്റ് സൂചിക (8) മൂന്നാറില് രേഖപ്പെടുത്തി. ഇവിടെ സംസ്ഥാന ദുരന്ത നിവാരണ അതോറിറ്റി ഓറഞ്ച് അലര്ട്ട് പ്രഖ്യാപിച്ചു.കഴിഞ്ഞ 24 മണിക്കൂറിലെ യുവി ഇൻഡക്സ് കണക്ക് പ്രകാരം കൊട്ടാരക്കര(കൊല്ലം), കോന്നി(പത്തനംതിട്ട), ചെങ്ങന്നൂർ(ആലപ്പുഴ), ചങ്ങനാശ്ശേരി(കോട്ടയം), ഒല്ലൂർ(തൃശ്ശൂർ), തൃത്താല(പാലക്കാട്), പൊന്നാനി(മലപ്പുറം), മാനന്തവാടി(വയനാട്) എന്നിവിടങ്ങളില് യെല്ലോ അലർട്ടും പ്രഖ്യാപിച്ചു.
tRootC1469263">ഈ സാഹചര്യത്തില് പൊതുജനങ്ങള് കര്ശനമായ സുരക്ഷാ മുന്കരുതലുകള് പാലിക്കേണ്ടതുണ്ട്.അള്ട്രാ വയലറ്റ് സൂചിക 6 മുതല് 7 വരെ യെല്ലോ അലര്ട്ടും 8 മുതല് 10 വരെ ഓറഞ്ച് അലര്ട്ടും 11ന് മുകളില് എത്തുമ്ബോള് റെഡ് അലര്ട്ടുമാണ് പ്രഖ്യാപിക്കുക.
തുടർച്ചയായി കൂടുതല് സമയം അള്ട്രാവയലറ്റ് രശ്മികള് ശരീരത്തില് ഏല്ക്കുന്നത് സൂര്യാതപത്തിനും ത്വക്ക് രോഗങ്ങള്ക്കും നേത്രരോഗങ്ങള്ക്കും മറ്റ് ആരോഗ്യ പ്രശ്നങ്ങള്ക്കും കാരണമാകാനാണ് സാധ്യത.
