'സോളാർ കേസിൽ ഉമ്മൻചാണ്ടിക്കെതിരെ ഗൂഢാലോചന നടത്തിയത് മുഖ്യമന്ത്രി പിണറായി വിജയന്റെ അറിവോടെ' : പി.സി. ജോർജ്

കൊച്ചി : സോളാർ കേസിൽ ഉമ്മൻചാണ്ടിക്കെതിരെ ഗൂഢാലോചന നടത്തിയത് മുഖ്യമന്ത്രി പിണറായി വിജയന്റെ അറിവോടെയെന്ന് പി.സി. ജോർജ്. ദല്ലാൾ നന്ദകുമാർ വഴി പിണറായി വിജയനെ കണ്ട ശേഷം പരാതിക്കാരി തന്റെയടുത്ത് വന്നുവെന്നും പി.സി. ജോർജ് പറഞ്ഞു.

. പിണറായി പറഞ്ഞിട്ടാണ് തന്നെ കാണാൻ വന്നതെന്നാണ് വിശ്വസിക്കുന്നത്. ഒരു കുറിപ്പ് ഏൽപിച്ച ശേഷം അതിലുള്ളതു പോലെ മാധ്യമങ്ങളോടും അന്വേഷണ ഉദ്യോഗസ്ഥരോടും പറയണമെന്നും പറഞ്ഞു. ഉമ്മൻ ചാണ്ടിക്കെതിരായ ഗൂഢാലോചനയിൽ തന്നെയും പങ്കാളിയാക്കാൻ ശ്രമിക്കുകയായിരുന്നു. അത് മനസിലായപ്പോൾ പറ്റില്ലെന്ന് അ​പ്പോൾ തന്നെ അറിയിച്ചതായും സി.ബി.ഐ ഉദ്യോഗസ്ഥർക്ക് ആ കുറിപ്പ് കൈമാറിയതായും പി.സി. ജോർജ് കൂട്ടിച്ചേർത്തു.