.jpg)
നാമനിര്ദ്ദേശപത്രിക സമര്പ്പിക്കാന് ഒരു ദിവസം മാത്രം
തെരഞ്ഞെടുപ്പിനെ നേരിടുന്ന പ്രമുഖ സ്ഥാനാര്ത്ഥികള് കഴിഞ്ഞദിവസം പത്രിക സമര്പ്പിച്ചിരുന്നു.
നിയമസഭാ തെരഞ്ഞെടുപ്പിനുള്ള നാമനിര്ദ്ദേശപത്രിക സമര്പ്പിക്കാന് നാളെ ഒരു പ്രവര്ത്തി ദിവസം മാത്രം ബാക്കി. തെരഞ്ഞെടുപ്പിനെ നേരിടുന്ന പ്രമുഖ സ്ഥാനാര്ത്ഥികള് കഴിഞ്ഞദിവസം പത്രിക സമര്പ്പിച്ചിരുന്നു. ബാക്കിയുള്ള സ്ഥാനാര്ത്ഥികള് നാളെ നാമനിര്ദ്ദേശപത്രിക സമര്പ്പിക്കും.
മാര്ച്ച് 15 ന് തെരഞ്ഞെടുപ്പ് പ്രഖ്യാപിച്ച ശേഷം 6 പ്രവര്ത്തി ദിവസങ്ങള് മാത്രമാണ് പത്രിക സമര്പ്പിക്കാനായി സ്ഥാനാര്ത്ഥികള്ക്ക് ലഭിച്ചത്. ചൊവ്വാഴ്ചയാണ് പത്രികകളുടെ സൂക്ഷ്മ പരിശോധന. നാമനിര്ദേശ പത്രിക പിന്വലിക്കാനുള്ള അവസാന ദിവസം വ്യാഴാഴ്ചയാണ്. കൂടാതെ വോട്ടര്പട്ടികയില് ഇതുവരെ പേര് ചേര്ത്തിട്ടില്ലാത്തവര്ക്ക് പട്ടികയില് പേര് ചേര്ക്കാനുള്ള അവസാന തീയതിയും നാളെയാണ്. അവധി ദിനമായ ഇന്ന് പരമാവധി സ്ഥലങ്ങളില് പ്രചാരണ പരിപാടികളുമായി സജീവമാകാനാണ് സ്ഥാനാര്ത്ഥികള് ലക്ഷ്യമിടുന്നത്.
