.jpg)
സംസ്ഥാനത്ത് സവാള വില കുതിച്ചുയരുന്നു
Updated: Aug 31, 2026, 13:26 IST
ചെറിയുള്ളിയുടെ വിലയും 80 രൂപയാണ്. ഏപ്രില്, മെയ് മാസങ്ങളില് കുറഞ്ഞ നിരക്കില് ലഭിച്ചിരുന്ന സവാളയുടെ വിലയാണ് ഇപ്പോള് ഇരട്ടിയായിരിക്കുന്നത്.
കൊച്ചി: സംസ്ഥാനത്ത് സവാള വില കുതിച്ചുയരുന്നു. നിലവില് സവാള വില കിലോഗ്രാമിന് 80 രൂപ വരെയായി. ചില്ലറ വിപണിയില് സവാളയ്ക്ക് കിലോയ്ക്ക് 50 മുതല് 80 രൂപ വരെയാണ് വില. ചെറിയുള്ളിയുടെ വിലയും 80 രൂപയാണ്. ഏപ്രില്, മെയ് മാസങ്ങളില് കുറഞ്ഞ നിരക്കില് ലഭിച്ചിരുന്ന സവാളയുടെ വിലയാണ് ഇപ്പോള് ഇരട്ടിയായിരിക്കുന്നത്.
ഇതര സംസ്ഥാനങ്ങളില് നിന്നുള്ള സവാളയുടെ വരവ് കുറഞ്ഞതാണ് വില കൂടാന് കാരണമെന്നാണ് കച്ചവടക്കാര് പറയുന്നത്. വില പിടിച്ചു നിര്ത്താന് സംസ്ഥാന സര്ക്കാര് ഇടപെട്ടില്ലെങ്കില് വരും ദിവസങ്ങളിലും സവാള വില ഉയരുമെന്നാണ് വിലയിരുത്തല്.