.jpg)
പയ്യന്നുരിലെ ഒന്നരവയസുകാരന്റെ മരണം: മെഡിക്കല് ബോര്ഡ് യോഗത്തില് നാടകീയ രംഗങ്ങള്
ഏഴ് പേരെയാണ് ജില്ലാ മെഡിക്കല് ഓഫീസര് മെഡിക്കല് ബോര്ഡില് ഉള്പ്പെടുത്തിയത്. ഇതില് മൂന്ന് പേരെ മാത്രമേ യോഗത്തില് പങ്കെടുക്കാന് പബ്ലിക് പ്രോസിക്യൂട്ടര് അനുവദിച്ചുള്ളൂ
കണ്ണൂര്: ചികിത്സാപ്പിഴവ് കാരണം ഒന്നര വയസുകാരന് മരിച്ച സംഭവത്തില് ചേര്ന്ന മെഡിക്കല് ബോര്ഡ് യോഗത്തില് നാടകീയ രംഗങ്ങള്. ഏഴ് പേരെയാണ് ജില്ലാ മെഡിക്കല് ഓഫീസര് മെഡിക്കല് ബോര്ഡില് ഉള്പ്പെടുത്തിയത്. ഇതില് മൂന്ന് പേരെ മാത്രമേ യോഗത്തില് പങ്കെടുക്കാന് പബ്ലിക് പ്രോസിക്യൂട്ടര് അനുവദിച്ചുള്ളൂ. കേസിലെ ഇടപെടലിന്റെ ഭാഗമായാണ് അനാവശ്യമായി ആളുകളെ മെഡിക്കല് ബോര്ഡില് ഉള്പ്പെടുത്താത്തെതെന്നാണ് പബ്ലിക് പ്രോസിക്യൂട്ടര് കെ അജിത് കുമാര് പ്രതികരിച്ചത്.
നിയമപരമല്ലാത്ത ഇടപെടല് അനുവദിക്കില്ലെന്നും പബ്ലിക് പ്രോസിക്യൂട്ടര് പറഞ്ഞു. അനാവശ്യമായി എന്തിനാണ് മെഡിക്കല് ബോര്ഡില് ആളുകളെ ഉള്പ്പെടുത്തുന്നതെന്നായിരുന്നു ചോദ്യം. യോഗത്തില് പങ്കെടുത്ത അഞ്ചില് മൂന്നുപേരും ചികിത്സാ പിഴവ് ശരി വെച്ചിരുന്നു.
മെഡിക്കല് ബോര്ഡ് റിപ്പോര്ട്ട് ഉടന് പൊലീസിന് കൈമാറും. അതേസമയം ഒന്നര വയസുകാരന്റെ മരണത്തില് പയ്യന്നൂര് ബേബി മെമ്മോറിയല് ആശുപത്രിക്ക് സംഭവിച്ചത് ഗുരുതര പിഴവെന്ന് പോസ്റ്റ്മോര്ട്ടം റിപ്പോർട്ട് കുഞ്ഞിന് അനസ്തേഷ്യ നല്കേണ്ട കാര്യമുണ്ടായിരുന്നില്ലെന്നാണ് പോസ്റ്റ്മോര്ട്ടം റിപ്പോര്ട്ടില് പറയുന്നത്. കുഞ്ഞിന്റെ ചുണ്ടില് ഉണ്ടായിരുന്നത് നേരിയ മുറിവ് മാത്രമായിരുന്നു. മൂന്ന് ദിവസംകൊണ്ട് ആ മുറിവ് ഉണങ്ങുമായിരുന്നുവെന്നും പോസ്റ്റ്മോര്ട്ടം റിപ്പോര്ട്ടില് പറയുന്നുണ്ട്.
