.jpg)
ശുചിമുറിയിലേക്ക് പോകുമ്പോള് ഇടിമിന്നലേറ്റു; അരൂരില് ഗൃഹനാഥന് ദാരുണാന്ത്യം
Updated: May 25, 2026, 10:00 IST
വീട്ടില് നിന്ന് കുളിക്കാനായി പുറത്തെ ശുചിമുറിയിലേക്ക് പോകുമ്പോഴാണ് മിന്നലേറ്റത്.
ആലപ്പുഴ : അരൂരില് ഇടിമിന്നലേറ്റ് 60 കാരന് മരിച്ചു. അരൂര് കോടംതുരുത്ത് ചമ്മനാട്ടുതറയില് രവിയാണ് മരിച്ചത്.ഇന്നലെ രാവിലെ പത്ത് മണിയോടെയാണ് സംഭവം.
വീട്ടില് നിന്ന് കുളിക്കാനായി പുറത്തെ ശുചിമുറിയിലേക്ക് പോകുമ്പോഴാണ് മിന്നലേറ്റത്. ഉടന് തുറവൂര് താലൂക്ക് ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. കണ്സ്ട്രക്ഷന് തൊഴിലാളിയാണ് രവി. രാവിലെ അതിശക്തമായ മഴയും ഇടിമിന്നലും ഉണ്ടായിരുന്നു. ഭാര്യയും രണ്ട് മക്കളുമുണ്ട്