ന‍ഴ്സിങ് അധ്യാപനം പാഷൻ ആണോ, ഇതാ തൊ‍ഴിലവസരം

 സ്റ്റേറ്റ് ഇൻസ്റ്റിറ്റ്യൂട്ട് ഓഫ് മെഡിക്കൽ എഡ്യൂക്കേഷൻ ആൻഡ് ടെക്‌നോളജി(സി- മെറ്റ്)യുടെ കീഴിലുള്ള നഴ്‌സിങ് കോളേജുകളിൽ അധ്യാപകർക്ക് അവസരം. അസിസ്റ്റന്റ് പ്രൊഫസർ (ഉദുമ, താനൂർ, മലമ്പുഴ, ധർമടം), സീനിയർ ലക്ചറർ (ഉദുമ, മലമ്പുഴ, പള്ളുരുത്തി), ലക്ചറർ/ ട്യൂട്ടർ (താനൂർ, പള്ളുരുത്തി, ധർമടം, തളിപ്പറമ്പ) തസ്തികകളിലേക്കാണ് അപേക്ഷകൾ ക്ഷണിച്ചത്. ഒരു വർഷത്തേക്ക് കരാർ വ്യവസ്ഥയിലാണ് നിയമനം.

യോഗ്യത: അസിസ്റ്റന്റ് പ്രൊഫസർ – എം എസ് സി നഴ്‌സിങ് ബിരുദം, എം എസ് സി നഴ്‌സിങിന് ശേഷം മൂന്ന് വർഷത്തെ അധ്യാപനപരിചയം. സീനിയർ ലക്ചറർ: എം എസ് സി നഴ്‌സിങ് ബിരുദം, രണ്ട് വർഷത്തെ അധ്യാപനപരിചയം. ലക്ചറർ /ട്യൂട്ടർ – എം എസ് സി നഴ്‌സിങ് അല്ലെങ്കിൽ ബി എസ് സി/ പോസ്റ്റ് ബേസിക് നഴ്‌സിങും ഒരു വർഷത്തെ പ്രവൃത്തിപരിചയവും. പരമാവധി പ്രായം: 50 വയസ് (എസ് സി/എസ് ടി, ഒ ബി സി വിഭാഗക്കാർക്ക് നിയമാനുസൃത വയസിളവുണ്ട്).

അപേക്ഷാ ഫീസ്: ജനറൽ വിഭാഗത്തിന് 250 രൂപയും എസ് സി/എസ് ടി വിഭാഗക്കാർക്ക് 100 രൂപയും. ഫീസ് സി- മെറ്റിന്റെ വെബ്സൈറ്റിലുള്ള (www.simet.in) SB Collect/Challan മുഖേന അടക്കാവുന്നതാണ്. www.simet.in -ൽ നിന്നും ലഭിക്കുന്ന അപേക്ഷാ ഫോം പൂരിപ്പിച്ച് ബയോഡാറ്റ, വയസ് തെളിയിക്കുന്ന സർട്ടിഫിക്കറ്റ്, ബി എസ് സി നഴ്‌സിങ്/ എം എസ് സി നഴ്‌സിങ്/ ഡിഗ്രി സർട്ടിഫിക്കറ്റുകൾ, മാർക്ക് ലിസ്റ്റുകൾ പ്രവൃത്തിപരിചയ സർട്ടിഫിക്കറ്റുകൾ, സാധുവായ കേരള നഴ്സിങ് കൗൺസിൽ രജിസ്ട്രേഷൻ, സംവരണാനുകൂല്യമുള്ള ഉദ്യോഗാർഥികൾ ജാതി സർട്ടിഫിക്കറ്റ്, നോൺ ക്രീമിലെയർ സർട്ടിഫിക്കറ്റ് എന്നിവയുടെ പകർപ്പുകൾ സഹിതം ഡയറക്ടർ, സിമെറ്റ് പാറ്റൂർ, വഞ്ചിയൂർ പി.ഒ, തിരുവനന്തപുരം 695035 എന്ന വിലാസത്തിൽ ഏപ്രിൽ 25 നകം സമർപ്പിക്കണം