.jpg)
നിതിന് രാജിന്റെ മരണം; അധ്യാപകരുടെ മുന്കൂര് ജാമ്യാപേക്ഷയില് വിധി 25-ന്
Updated: Apr 23, 2026, 15:52 IST
നിതിന്റെ മരണത്തില് പങ്കില്ലെന്നും ആത്മഹത്യയ്ക്ക് കാരണം ലോണ് ആപ്പിന്റെ ഭീഷണി മൂലമാണെന്നുമാണ് അധ്യാപകര് മുന്കൂര് ജാമ്യാപേക്ഷയില് ചൂണ്ടിക്കാട്ടിയത്
കണ്ണൂർ : ബിഡിഎസ് വിദ്യാര്ത്ഥി നിതിന് രാജ് മരിച്ച സംഭവത്തില് അധ്യാപകരുടെ മുന്കൂര് ജാമ്യാപേക്ഷയില് വിധി ഈ മാസം 25-ന്.ഏപ്രില് പതിനേഴിനാണ് ഡോ. റാമും സംഗീത നമ്ബ്യാരും കേസില് മുന്കൂര് ജാമ്യാപേക്ഷ നല്കിയത്. തലശ്ശേരി ജില്ലാ സെഷന്സ് കോടതിയിലാണ് ജാമ്യാപേക്ഷ നല്കിയത്.
നിതിന്റെ മരണത്തില് പങ്കില്ലെന്നും ആത്മഹത്യയ്ക്ക് കാരണം ലോണ് ആപ്പിന്റെ ഭീഷണി മൂലമാണെന്നുമാണ് അധ്യാപകര് മുന്കൂര് ജാമ്യാപേക്ഷയില് ചൂണ്ടിക്കാട്ടിയത്. സംഭവ ദിവസം പ്രിന്സിപ്പലിന്റെ റൂമില് താന് ഇല്ലായിരുന്നുവെന്നും റാം പറഞ്ഞിട്ടുണ്ട്.
ഏപ്രില് പത്തിനാണ് നിതിന് രാജ് കോളേജ് കെട്ടിടത്തില് നിന്നും ചാടി ജീവനൊടുക്കിയതായി കുടുംബം അറിയുന്നത്. വകുപ്പ് മേധാവി റാം മാനസികമായി പീഡിപ്പിക്കുന്നുണ്ടെന്ന് നിതിന് നേരത്തെ തന്നെ കുടുംബത്തെ അറിയിച്ചിരുന്നു.
