.jpg)
'ഉദയ്' ആധാറിന് ഇനി പുതിയ ചിഹ്നം; രൂപകല്പന ചെയ്തത് മലയാളി
രാജ്യവ്യാപകമായി ലഭിച്ച 875 എൻട്രികളില് നിന്നാണ് അരുണ് ഗോകുലിന്റെ ഡിസൈൻ തിരഞ്ഞെടുക്കപ്പെട്ടത്
തിരുവനന്തപുരം: ആധാറിന്റെ ഔദ്യോഗിക ചിഹ്നം പുറത്തിറക്കി യുണിക്ക് ഐഡന്റിഫിക്കേഷന് അതോറിറ്റി ഓഫ് ഇന്ത്യ (യുഐഡിഎഐ).തൃശ്ശൂർ സ്വദേശി അരുണ് ഗോകുലാണ് അഖിലേന്ത്യ തലത്തില് നടന്ന മത്സരത്തില് ഒന്നാം സ്ഥാനം നേടി ഈ ചിഹ്നം രൂപകല്പ്പന ചെയ്തത്.
തിരുവനന്തപുരത്ത് നടന്ന യുഐഡിഎഐ ചടങ്ങില് ചെയർമാൻ നീലകണ്ഠ് മിശ്ര ഔദ്യോഗിക ചിഹ്നം അനാവരണം ചെയ്യുകയും വിജയികളെ അഭിനന്ദിക്കുകയും ചെയ്തു.ആധാർ വിവരങ്ങള് പുതുക്കല്, ഓഫ്ലൈൻ വെരിഫിക്കേഷൻ, വിവരങ്ങള് സുരക്ഷിതമായി പങ്കിടല്, പുതിയ സാങ്കേതികവിദ്യകളുടെ ഉപയോഗം തുടങ്ങിയ കാര്യങ്ങളില് ജനങ്ങളോട് സംവദിക്കാനുള്ള ഔദ്യോഗിക മുഖമായി ഇനി 'ഉദയ്' മാറും.
tRootC1469263">രാജ്യവ്യാപകമായി ലഭിച്ച 875 എൻട്രികളില് നിന്നാണ് അരുണ് ഗോകുലിന്റെ ഡിസൈൻ തിരഞ്ഞെടുക്കപ്പെട്ടത്.പൂനെ സ്വദേശി ഇദ്രിസ് ദാവൈവാല, ഉത്തർപ്രദേശ് സ്വദേശി കൃഷ്ണ ശർമ്മ എന്നിവർ യഥാക്രമം രണ്ടും മൂന്നും സ്ഥാനങ്ങള് നേടി.
ചിഹ്നത്തിന് പേര് നല്കാനുള്ള മത്സരത്തില് ഭോപ്പാലില് നിന്നുള്ള റിയ ജെയിൻ ഒന്നാം സ്ഥാനം കരസ്ഥമാക്കി. ആധാറിന്റെ ഉത്തരവാദിത്തമുള്ള ഉപയോഗവും ആധുനിക സേവനങ്ങളും ലളിതമായി ജനങ്ങളിലേക്ക് എത്തിക്കാൻ ഈ പുതിയ ചിഹ്നം സഹായിക്കുമെന്ന് യുഐഡിഎഐ അധികൃതർ വ്യക്തമാക്കി.
