.jpg)
കാന്തപുരത്തിന്റെ സ്ത്രീ വിരുദ്ധ പരാമര്ശവുമായി ബന്ധപ്പെട്ട ചാനല് ചര്ച്ചയില് പങ്കെടുത്ത മുജാഹിദ് വിദ്യാര്ത്ഥി നേതാവിനെതിരെ കേസെടുത്ത സംഭവം ; അനാവശ്യ കേസെടുക്കാന് അനുവദിക്കില്ലെന്ന് പി കെ ഫിറോസ്
കേസ് പിന്വലിക്കണമെന്ന് പി കെ ഫിറോസ് എംഎല്എ ആവശ്യപ്പെട്ടു.
കാന്തപുരത്തിന്റെ സ്ത്രീ വിരുദ്ധ പരാമര്ശവുമായി ബന്ധപ്പെട്ട ചാനല് ചര്ച്ചയില് പങ്കെടുത്ത മുജാഹിദ് വിദ്യാര്ത്ഥി നേതാവ് അബ്ദുള്ള ബാസിലിനെതിരെ കേസ് എടുത്തതില് രൂക്ഷ വിമര്ശനവുമായി യൂത്ത് ലീഗ്. കേസ് പിന്വലിക്കണമെന്ന് പി കെ ഫിറോസ് എംഎല്എ ആവശ്യപ്പെട്ടു.
കഴിഞ്ഞ 10 വര്ഷം പോലെ അനാവശ്യ കേസ് എടുക്കാന് അനുവദിക്കില്ലെന്നും അതിന് കൂടെയാണ് മുസ്ലിം ലീഗ് അധികാരത്തില് ഇരിക്കുന്നതെന്നും പികെ ഫിറോസ് പറഞ്ഞു. കേസ് പിന്വലിക്കാന് ആഭ്യന്തര മന്ത്രിയെ വിളിച്ച് നേരിട്ട് ആവശ്യപ്പെട്ടുവെന്നും അദ്ദേഹം കൂട്ടിച്ചേര്ത്തു. വര്ഗീയത പറയുന്നവരെ ഒരിക്കലും പിന്തുണക്കില്ല, പക്ഷെ വര്ഗീയത പറയുന്നവരുടെ യാഥാര്ഥ്യം പറഞ്ഞവര്ക്കെതിരെ കേസ് എടുക്കാന് മുസ്ലിം ലീഗ് അനുവദിക്കില്ലെന്നും പി കെ ഫിറോസ് കൂട്ടിച്ചേര്ത്തു. പി കെ ഫിറോസിനെ പിന്തുണച്ച് കോണ്ഗ്രസ് നേതാവ് റിജില് ചന്ദ്രന് മാക്കുറ്റിയും രംഗത്തെത്തി.
