.jpg)
മെഡിക്കല് കോളേജിലെ മോര്ഫിംഗ് കേസ്; ഏബല് അഗസ്റ്റിനെതിരെ കൂടുതല് പരാതികളുമായി വിദ്യാര്ത്ഥികള്
Updated: Jul 24, 2026, 10:02 IST
സംഭവത്തില് ഇരുപതിലേറെ വിദ്യാര്ത്ഥിനികള് ഇരയായിട്ടുണ്ടെന്നാണ് പൊലീസ് പറയുന്നത്.ഏബലിനെ മെഡിക്കല് കോളേജില് നിന്ന് സസ്പെന്ഡ് ചെയ്തിരുന്നു
തിരുവനന്തപുരം: മെഡിക്കല് കോളേജിലെ മോര്ഫിംഗ് കേസില് പ്രതിയായ ഏബല് അഗസ്റ്റിനെതിരെ കൂടുതല് പരാതികളുമായി വിദ്യാര്ത്ഥികള്. മെഡിക്കല് കോളേജ് പൊലീസ് രണ്ട് എഫ്ഐആര് കൂടി രജിസ്റ്റര് ചെയ്തു.
ഇതോടെ ഏബലിനെതിരെ രജിസ്റ്റര് ചെയ്ത കേസുകളുടെ എണ്ണം അഞ്ചായി. ഏബലിനെ ഇന്ന് കോടതിയില് ഹാജരാക്കും. കസ്റ്റഡിയില് വാങ്ങിയ ശേഷം കൂടുതല് ചോദ്യം ചെയ്യാനാണ് പൊലീസിന്റെ നീക്കം.തിരുവനന്തപുരം മെഡിക്കല് കോളേജിലെ മൂന്നാം വര്ഷ വിദ്യാര്ത്ഥിയാണ് ഏബല് അഗസ്റ്റിന്.
സംഭവത്തില് ഇരുപതിലേറെ വിദ്യാര്ത്ഥിനികള് ഇരയായിട്ടുണ്ടെന്നാണ് പൊലീസ് പറയുന്നത്.ഏബലിനെ മെഡിക്കല് കോളേജില് നിന്ന് സസ്പെന്ഡ് ചെയ്തിരുന്നു.പെണ്കുട്ടികളുടെ ഇന്സ്റ്റഗ്രാം സ്റ്റോറികളില് നിന്ന് അനുവാദമില്ലാതെ എടുത്ത ചിത്രങ്ങളാണ് മോര്ഫ് ചെയ്ത് പ്രചരിപ്പിച്ചത്
