.jpg)
മാസപ്പടി കേസ് ഇന്ന് വീണ്ടും ദില്ലി ഹൈക്കോടതി പരിഗണനയില്
Jul 9, 2025, 07:01 IST
കഴിഞ്ഞ തവണ കേസ് പരിഗണിച്ച ജസ്റ്റിസ് സുബ്രഹ്മണ്യം പ്രസാദിന്റെ ബെഞ്ച് വിചാരണ കോടതിയിലെ നടപടികളുമായി മുന്നോട്ടുപോകരുതെന്ന് നിര്ദ്ദേശിച്ചിരുന്നു.
മുഖ്യമന്ത്രി പിണറായി വിജയന്റെ മകള് വീണ വിജയന് ഉള്പ്പെട്ട മാസപ്പടി കേസ് ഇന്ന് വീണ്ടും ദില്ലി ഹൈക്കോടതി പരിഗണിക്കും. ദില്ലി ഹൈക്കോടതിയിലെ ജസ്റ്റിസ് ഗിരീഷ് കട്പാലിയ അധ്യക്ഷനായ ബെഞ്ചാണ് ഹര്ജി പരിഗണിക്കുന്നത്.
കഴിഞ്ഞ തവണ കേസ് പരിഗണിച്ച ജസ്റ്റിസ് സുബ്രഹ്മണ്യം പ്രസാദിന്റെ ബെഞ്ച് വിചാരണ കോടതിയിലെ നടപടികളുമായി മുന്നോട്ടുപോകരുതെന്ന് നിര്ദ്ദേശിച്ചിരുന്നു. നിലവിലെ ഹര്ജിയില് ഹൈക്കോടതി തീരുമാനം എടുക്കുന്നതുവരെ തുടര്നടപടിപാടില്ലെന്നാണ് ദില്ലി ഹൈക്കോടതി നിര്ദ്ദേശിച്ചത്. ഇതിനിടയില് അന്വേഷണ റിപ്പോര്ട്ട് സമര്പ്പിച്ചത് മനപൂര്വ്വം ഉണ്ടായ വീഴ്ചയല്ലെന്ന് എസ്എഫ്ഐഒയ്ക്ക് വേണ്ടി ഹാജരായ അഡീഷണല് സോളിസ്റ്റര് ജനറല് ഹൈക്കോടതിയെ അറിയിച്ചിരുന്നു.
tRootC1469263">