ഗ്രാമപ്രദേശങ്ങളിൽ തൊഴിലിന്റെ അനന്തസാധ്യത തുറക്കും: മന്ത്രി കെ എൻ ബാലഗോപാൽ

കൊല്ലം : ഗ്രാമപ്രദേശങ്ങളിലെ ജനങ്ങൾക്ക് തൊഴിലിന്റെ അനന്തസാധ്യത തുറന്നുകൊടുക്കുന്ന വിവിധ പദ്ധതികൾ ആവിഷ്‌ക്കരിക്കുമെന്ന് ധനകാര്യവകുപ്പ് മന്ത്രി കെ എൻ ബാലഗോപാൽ. വെളിയം കുടുംബശ്രീ സംരംഭക പരിശീലകർക്കുള്ള സർട്ടിഫിക്കറ്റ് വിതരണ പരിപാടി ഉദ്ഘാടനം ചെയ്യുകയായിരുന്നു അദ്ദേഹം. കുടുംബശ്രീയുമായി ചേർന്ന് നടപ്പിലാക്കിവരുന്ന സംരംഭക പരിശീലന പദ്ധതികൾ കൂടുതൽ ശക്തമാക്കും. വെളിയത്ത് വിജ്ഞാനകേരളം പദ്ധതി വഴി നൈപുണ്യ പരിശീലനം നൽകി തൊഴിൽ ലഭ്യമാക്കാനുള്ള പദ്ധതികൾ പുരോഗമിക്കുകയാണ്. അസാപ്പ് സ്‌കിൽ സെന്റർ മുഖേന രണ്ടുമാസകാല പരിശീലന പദ്ധതികളും വിഭാവനം ചെയ്യുമെന്നും അദ്ദേഹം പറഞ്ഞു.