.jpg)
തിരുവനന്തപുരം മൃഗശാലയിലെ സിംഹക്കുട്ടികൾ 'സിംബയും ,സൂരിയും; പേര് പ്രഖ്യാപിച്ച് മന്ത്രി ജെ. ചിഞ്ചുറാണി
തിരുവനന്തപുരം : തിരുവനന്തപുരം മൃഗശാലയിലെ സിംഹങ്ങളായ ലിയോ, നൈല എന്നിവർക്ക് ജനിച്ച സിംഹക്കുട്ടികൾക്ക് 'സിംബ' (Simba) എന്നും സൂരി (Suri) എന്നും പേരിട്ടു. മൃഗശാലയിൽ നടന്ന ചടങ്ങിൽ മൃഗശാല, മൃഗസംരക്ഷണ ക്ഷീരവികസന വകുപ്പ് മന്ത്രി ജെ. ചിഞ്ചുറാണി പേരുകൾ ഔദ്യോഗികമായി പ്രഖ്യാപിച്ചു. 2026 ജനുവരി 20-നായിരുന്നു സിംഹക്കുട്ടികൾ ജനിച്ചത്.
tRootC1469263">ജനിച്ചതിന്റെ രണ്ടാം ദിവസം മുതൽ രാപകൽ സിംഹക്കുട്ടികളുടെ പരിപാലനത്തിനായി സമയം ചെലവഴിച്ച അനിമൽ കീപ്പർ വി. അനിൽകുമാറിന്റെ സേവനത്തെ ചടങ്ങിൽ പ്രത്യേകം പ്രശംസിച്ചു. സിംഹക്കുട്ടികളെ അതീവ ജാഗ്രതയോടെ പരിചരിച്ച വെറ്ററിനറി സർജൻ ഡോ. നികേഷ് കിരൺ ഉൾപ്പെടെയുള്ള വിദഗ്ധ സംഘത്തിന് മന്ത്രി പ്രശസ്തി പത്രങ്ങൾ വിതരണം ചെയ്തു. ജിജോ ബി.എസ് (ലൈവ്സ്റ്റോക്ക് ഇൻസ്പെക്ടർ), നഹാസ് ജെ.എസ് (ലൈവ്സ്റ്റോക്ക് ഇൻസ്പെക്ടർ), രാജേഷ് കുമാർ എസ്.എസ് (ലാബ് അസിസ്റ്റന്റ്), രാജേഷ് ബി (സൂപ്പർവൈസർ), ജയചന്ദ്രൻ എം (കീപ്പർ), അഖിൽ സി (കീപ്പർ) എന്നീ ടീമംഗങ്ങളെയും ചടങ്ങിൽ മന്ത്രി അനുമോദിച്ചു.മ്യൂസിയം മൃഗശാലാ വകുപ്പ് ഡയറക്ടർ മഞ്ജുളാദേവി പി.എസ് അധ്യക്ഷത വഹിച്ച ചടങ്ങിൽ മൃഗശാലാ സൂപ്രണ്ട് രാജേഷ് വി സ്വാഗതം ആശംസിച്ചു.
