.jpg)
മില്മ പാല് വില ലീറ്ററിന് നാലുരൂപ കൂടും; ഔദ്യോഗിക പ്രഖ്യാപനം പിന്നീട്
Updated: Apr 29, 2026, 14:04 IST
സംസ്ഥാനത്ത് പാല് വില കൂടുമെന്ന് നേരത്തെ അറിയിച്ചിരുന്നു.നാലു രൂപ മുതല് ആറു രൂപ വരെ വില വർധിപ്പിക്കണമെന്നായിരുന്നു മില്മയുടെ ശുപാർശ.
തിരുവനന്തപുരം: സംസ്ഥാനത്ത് മില്മ പാല് വില വർധിപ്പിക്കുന്നതില് തീരുമാനമായി. ലിറ്ററിന് നാല് രൂപ കൂട്ടും.പ്രഖ്യാപനം ഇന്നുണ്ടാവില്ലെന്നും തീരുമാനം നടപ്പിലാക്കുക മെയ്യ് 6ന് ശേഷമെന്നും ഡയറക്ടർ ബോർഡ് അറിയിച്ചു.സംസ്ഥാനത്ത് പാല് വില കൂടുമെന്ന് നേരത്തെ അറിയിച്ചിരുന്നു. നാലു രൂപ മുതല് ആറു രൂപ വരെ വില വർധിപ്പിക്കണമെന്നായിരുന്നു മില്മയുടെ ശുപാർശ.
ഇന്ന് തന്നെ വില വര്ധന പ്രാബല്യത്തില് വരുത്താത്ത തീരുമാനത്തില് പ്രതിഷേധിച്ച് കോണ്ഗ്രസ് ഭരണ സമിതി നേതൃത്വം നല്കുന്ന എറണാകുളം യൂണിയൻ രംഗത്തെത്തി. പാല് വില വർദ്ധിപ്പിക്കാൻ ചേർന്ന യോഗത്തിലാണ് ഡയറക്ടർ ബോർഡ് തീരുമാനം വ്യക്തമാക്കിയത്.
ആറുമാസം മുമ്പാണ് ലിറ്ററിന് നാലു മുതല് ആറ് രൂപ വരെ വർധിപ്പിക്കണമെന്ന് ബോർഡ് തീരുമാനമെടുത്തതെന്നും അത് ഉടൻ നടപ്പാക്കണമെന്നുമാണ് എറണാകുളം മേഖല യൂണിയൻ ഭാരവാഹികളുടെ ആവശ്യം.
