.jpg)
മൈക്രോഫിനാന്സ് തട്ടിപ്പ് കേസ്: വെള്ളാപ്പള്ളിയെ പ്രോസിക്യൂട്ട് ചെയ്യാന് അനുമതി വേണ്ടെന്ന് വിജിലന്സ്
നേരത്തെ പ്രോസിക്യൂഷന് നടപടിയില് അനുമതി വേണമെന്നായിരുന്ന വിജിലന്സിന്റെ നിലപാട്
കൊച്ചി: എസ്എന്ഡിപി യോഗം ജനറല് സെക്രട്ടറി വെള്ളാപ്പള്ളി നടേശന് പ്രതിയായ മൈക്രോഫിനാന്സ് സാമ്പത്തിക തട്ടിപ്പ് കേസില് വെള്ളാപ്പള്ളി നടേശനെ പ്രോസിക്യൂട്ട് ചെയ്യാന് അനുമതി വേണ്ടെന്ന് വിജിലന്സും നിലപാടെടുത്തു. നേരത്തെ പ്രോസിക്യൂഷന് നടപടിയില് അനുമതി വേണമെന്നായിരുന്ന വിജിലന്സിന്റെ നിലപാട്.
പിന്നാക്ക വകുപ്പ് പ്രോസിക്യൂട്ട് ചെയ്യാന് അനുമതി വേണ്ടെന്ന നിലപാട് മുമ്പ് തന്നെ സ്വീകരിച്ചിരുന്നു. എന്നാല് സര്ക്കാരിന് ഇതില് ആശയക്കുഴപ്പമുണ്ടെന്ന് നിരീക്ഷിച്ച കോടതി രൂക്ഷ വിമര്ശനങ്ങള് ഉയര്ത്തിയിരുന്നു. പിന്നാലെയാണ് ഇനി പ്രോസിക്യൂഷന് അനുമതിയില് ഹൈക്കോടതി തീരുമാനമെടുക്കുമെന്ന് സിംഗിള് ബെഞ്ച് വ്യക്തമാക്കിയത്.
ആറുവര്ഷം മുന്പ് 2020 ജൂണ് 24നാണ് എസ്എന്ഡിപി യോഗം കാണിച്ചുകുളങ്ങര യൂണിയന് ഓഫീസില് മഹേശന് ജീവനൊടുക്കിയത്. സംസ്ഥാന പിന്നാക്ക ക്ഷേമ കോര്പറേഷന് കുറഞ്ഞ പലിശക്ക് നല്കുന്ന വായ്പകള് എടുത്ത ശേഷം, എസ്എന്ഡിപി യൂണിയനുകള് അത് അംഗങ്ങള്ക്ക് കൂടിയ നിരക്കില് നല്കിയതാണ് മൈക്രോഫിനാന്സ് കേസുകള്ക്ക് ആധാരം. വായ്പ നല്കാതെ നിര്ധന സ്ത്രീകളുടെ പേരില് വ്യാജരേഖകള് കാണിച്ച് വന് തുകകള് തട്ടിയെടുത്തു എന്ന കേസുകളും ഇതിലുണ്ട്.