.jpg)
മൈക്രോഫിനാന്സ് തട്ടിപ്പ് കേസ്; വെള്ളാപ്പള്ളി നടേശന് എതിരായ ആദ്യ കുറ്റപത്രം തയ്യാറായി
മൂന്നാഴ്ചയ്ക്കകം അന്വേഷണ പുരോഗതിയില് റിപ്പോര്ട്ട് നല്കിയില്ലെങ്കില് എസ്പി എസ് ശശിധരനെ അന്വേഷണ ചുമതലയില് നിന്ന് മാറ്റുമെന്നായിരുന്നു സിംഗിള് ബെഞ്ചിന്റെ മുന്നറിയിപ്പ്.
തിരുവനന്തപുരം: മൈക്രോഫിനാന്സ് തട്ടിപ്പ് കേസില് വെള്ളാപ്പള്ളി നടേശന് എതിരായ ആദ്യ കുറ്റപത്രം തയ്യാറായി. വിജിലന്സ് ഡയറക്ടര് കുറ്റപത്രത്തിന് അംഗീകാരം നല്കി. ഇക്കാര്യം ഹെെക്കോടതിയെ അറിയിച്ചു.
കേസില് അന്വേഷണ ഉദ്യോഗസ്ഥന് എതിരെ ഹൈക്കോടതി രൂക്ഷ വിമര്ശനം ഉയര്ത്തിയിരുന്നു. മൂന്നാഴ്ചയ്ക്കകം അന്വേഷണ പുരോഗതിയില് റിപ്പോര്ട്ട് നല്കിയില്ലെങ്കില് എസ്പി എസ് ശശിധരനെ അന്വേഷണ ചുമതലയില് നിന്ന് മാറ്റുമെന്നായിരുന്നു സിംഗിള് ബെഞ്ചിന്റെ മുന്നറിയിപ്പ്.
നിരന്തരം നിര്ദേശിച്ചിട്ടും എസ് ശശിധരന് അന്വേഷണ പുരോഗതി റിപ്പോര്ട്ട് നല്കിയില്ലെന്നാണ് കോടതി ചൂണ്ടിക്കാട്ടുന്നത്.2014ല് വയനാട് യൂണിയന് 10 ലക്ഷം രൂപ നല്കിയതിലെ ക്രമക്കേടിലാണ് കുറ്റപത്രം നല്കിയത്.124 ഇടപാടുകളാണ് അന്വേഷിക്കുന്നത്. അതില് ഓരോന്നിലും കുറ്റപത്രം തയ്യാറാകണം.
ഇതില് ആറ് പ്രതികളാണ് ഉള്പ്പെട്ടിട്ടുള്ളത്. വെള്ളാപ്പള്ളി നടേശന്, എം എന് സോമന്, വയനാട് എസ്എന്ഡിപി യൂണിയന് ഭാരവാഹികള്, ഉദ്യോഗസ്ഥര് അടക്കമുള്ളവരാണ് പ്രതികള്. അഴിമതി നിരോധന നിയമം ചുമത്തിയതിനാല് സര്ക്കാര് പ്രോസിക്യൂഷന് അനുമതി നല്കണം.
നിരവധി കേസുകളിൽ വെള്ളാപ്പള്ളി നടേശനെതിരെ അന്വേഷണം നടക്കുന്നുണ്ട്. 2016ല് വിഎസ് അച്യുതാനന്ദന് നല്കിയ പരാതിയിലാണ് വെള്ളാപ്പള്ളി നടേശനെതിരെ അന്വേഷണം തുടങ്ങിയത്. സ്ത്രീകളുടെ പേരില് വ്യാജ പദ്ധതിയിലൂടെ പിന്നാക്ക വികസന കോര്പ്പറേഷനില് നിന്ന് വായ്പയെടുത്തതിലാണ് അഴിമതി