.jpg)
തൊണ്ടിമുതലായ അടിവസ്ത്രത്തില് കൃത്രിമം; ആന്റണി രാജു പ്രതിയായ കേസില് വിധി ഇന്ന്
ആന്റണി രാജുവും കോടതി ക്ലര്ക്കായിരുന്ന കെ എസ് ജോസുമാണ് കേസിലെ പ്രതികള്.
മുന് മന്ത്രിയും എംഎല്എയുമായ ആന്റണി രാജു പ്രതിയായ തൊണ്ടിമുതല് തിരിമറിക്കേസില് നെടുമങ്ങാട് ജുഡീഷ്യല് ഫസ്റ്റ്ക്ലാസ് മജിസ്ട്രേറ്റ് കോടതി ഇന്ന് വിധി പറയും. ലഹരിക്കേസില് പിടിയിലായ വിദേശിയെ രക്ഷിക്കാനായി തൊണ്ടിമുതലില് തിരിമറി നടത്തിയെന്ന കേസില് മൂന്ന് പതിറ്റാണ്ട് നീണ്ട വാദ പ്രതിവാദങ്ങള്ക്കൊടുവിലാണ് കോടതി ഇന്ന് വിധി പറയുക. ആന്റണി രാജുവും കോടതി ക്ലര്ക്കായിരുന്ന കെ എസ് ജോസുമാണ് കേസിലെ പ്രതികള്. ജോസ് ഒന്നാം പ്രതിയും ആന്റണി രാജു രണ്ടാം പ്രതിയുമാണ്.
tRootC1469263">ആന്റണി രാജു വിചാരണ നേരിടണമെന്നും ഒരു വര്ഷത്തിനകം നടപടികള് പൂര്ത്തിയാക്കണമെന്നും സുപ്രീംകോടതി 2024 നവംബറില് നിര്ദേശിച്ചിരുന്നു. കേസില് പുനരന്വേഷണത്തിന് ഉത്തരവിട്ട ഹൈക്കോടതി വിധിക്കെതിരെ ആന്റണി രാജു നല്കിയ അപ്പീലിലായിരുന്നു ഈ വിധി.
ലഹരി മരുന്ന് കേസില് പിടിയിലായ ഓസ്ട്രേലിയന് പൗരനെ രക്ഷപ്പെടുത്താന്തൊണ്ടിമുതലില് കൃത്രിമം കാട്ടിയെന്നാണ് ആന്റണി രാജുവിനെതിരായ കുറ്റം. 1990ല് തിരുവനന്തപുരം വിമാനത്താവളത്തിലാണ് വിദേശ പൗരന് ആന്ഡ്രൂ സാല്വദോര് അടിവസ്ത്രത്തില് ലഹരിമരുന്നുമായി പിടിയിലായത്. ഈ വ്യക്തി മയക്കുമരുന്ന് കടത്താന് ഉപയോഗിച്ച അടിവസ്ത്രം ചെറുതാക്കി തയ്ച്ച് പ്രതിക്ക് പാകമാകാത്തവിധം ആന്റണി രാജു തിരികെയേല്പ്പിച്ചുവെന്നാണ് കേസ്.
