.jpg)
മലേഷ്യന് പ്രധാനമന്ത്രി അന്വര് ഇബ്രാഹിം ഇന്ന് കോഴിക്കോട്
സന്ദര്ശനത്തിന്റെ ഭാഗമായി കോഴിക്കോട് നഗരത്തിലും പരിസര പ്രദേശങ്ങളിലും ഗതാഗത നിയന്ത്രണം ഏര്പ്പെടുത്തിയിട്ടുണ്ട്.
മലേഷ്യന് പ്രധാനമന്ത്രി അന്വര് ഇബ്രാഹിം ഇന്ന് കോഴിക്കോട് സന്ദര്ശനം നടത്തും. വൈകിട്ട് കോഴിക്കോടെത്തുന്ന അദ്ദേഹം സമസ്ത എ.പി. വിഭാഗം നേതാവ് കാന്തപുരം എ.പി. അബൂബക്കര് മുസ്ലിയാരുമായി കൂടിക്കാഴ്ച നടത്തും. സന്ദര്ശനത്തിന്റെ ഭാഗമായി കോഴിക്കോട് നഗരത്തിലും പരിസര പ്രദേശങ്ങളിലും ഗതാഗത നിയന്ത്രണം ഏര്പ്പെടുത്തിയിട്ടുണ്ട്.
സന്ദര്ശനം നടക്കാനിരിക്കെയാ സ്ത്രീകള് വീട്ടിലിരിക്കണമെന്ന കാന്തപുരം അബൂബക്കര് മുസ്ലിയാരുടെ അഭിപ്രായത്തോട് തനിക്ക് യോജിപ്പില്ലെന്നും മലേഷ്യന് പ്രധാനമന്ത്രി ഇന്നലെ ഒരു ദേശീയ മാധ്യമത്തോട് വ്യക്തമാക്കി. പരമ്പരാഗത ധാരയിലുള്ള പണ്ഡിതനാണ് കാന്തപുരമെന്നും പല വിഷയങ്ങളിലും അദ്ദേഹത്തിന്റെ നിലപാടുകളോട് യോജിപ്പുണ്ടെങ്കിലും സ്ത്രീകളുടെ സാമൂഹിക പങ്കാളിത്തവുമായി ബന്ധപ്പെട്ട ഈ അഭിപ്രായത്തോട് യോജിപ്പില്ലെന്നും അന്വര് ഇബ്രാഹിം പറഞ്ഞു.
അതേസമയം, മലേഷ്യന് പ്രധാനമന്ത്രിയുടെ കോഴിക്കോട് സന്ദര്ശനത്തെ തുടര്ന്ന് വൈകിട്ട് അഞ്ച് മണി മുതല് വിവിധ റോഡുകളില് പൂര്ണ ഗതാഗത നിയന്ത്രണം ഏര്പ്പെടുത്തും. വൈദ്യരങ്ങാടി മുതല് മലാപ്പറമ്പ് വരെയും മലാപ്പറമ്പ് മുതല് കുന്നമംഗലംമടവൂര് വരെയുമുള്ള റോഡുകളിലാണ് നിയന്ത്രണം.