കൊവെൻട്രിയിൽ നിന്ന് മലയാളി യുവാവിനെ കാണാനില്ല; തിരച്ചിൽ തുടരുന്നു

 കൊവെൻട്രി: കൊവെൻട്രിയിൽ നിന്ന് മലയാളി യുവാവിനെ കാണാനില്ലെന്ന് വിവരം. വിഷ്ണു ജയകുമാർ (26)നെ ആണ് ശനിയാഴ്ച പുലർച്ചയോടെ കാണാതായത്. കൊവെൻട്രിയിലെ സ്വാൻ ലേക്കിന് സമീപത്താണ് വിഷ്ണുവിനെ അവസാനമായി കണ്ടതെന്ന് ബന്ധുക്കളും സുഹൃത്തുക്കളും  അറിയിച്ചു. സുഹൃത്തിനൊപ്പം പുറത്തുപോയ വിഷ്ണു മടങ്ങുന്നതിനായി ടാക്സി കാത്തുനിന്നതായും തുടർന്ന് ഇയാളെക്കുറിച്ച് യാതൊരു വിവരവും ലഭിച്ചിട്ടില്ലെന്നും ആണ് വിവരം.  ഏറെ നേരം കാത്തിട്ടും തിരികെ എത്താതിരുന്നതോടെയാണ് കുടുംബവും സുഹൃത്തുക്കളും അന്വേഷണം ആരംഭിച്ചത് .