.jpg)
'എം വി ഗോവിന്ദന് സിപിഐഎം സംസ്ഥാന സെക്രട്ടറി സ്ഥാനത്തിരിക്കാന് യോഗ്യനല്ല'; ജി സുധാകരന്
എം വി ഗോവിന്ദന് പ്രായോഗികമായും സെെദ്ധാന്തികമായും വര്ഗവഞ്ചകന് ആണെന്നും സിപിഐഎം സംസ്ഥാന സെക്രട്ടറി സ്ഥാനത്തിരിക്കാന് യോഗ്യനല്ലെന്നും ജി സുധാകരന് തുറന്നടിച്ചു.
ആലപ്പുഴ: ജി സുധാകരന് വര്ഗവഞ്ചകനാണെന്ന എം വി ഗോവിന്ദന്റെ പരാമര്ശത്തില് സിപിഐഎം സംസ്ഥാന സെക്രട്ടറി എം വി ഗോവിന്ദനെ കടന്നാക്രമിച്ച് ജി സുധാകരന് എംഎല്എ. എം വി ഗോവിന്ദന് പ്രായോഗികമായും സെെദ്ധാന്തികമായും വര്ഗവഞ്ചകന് ആണെന്നും സിപിഐഎം സംസ്ഥാന സെക്രട്ടറി സ്ഥാനത്തിരിക്കാന് യോഗ്യനല്ലെന്നും ജി സുധാകരന് തുറന്നടിച്ചു.
'കണ്ണൂര് ജില്ലയില് അഞ്ച് സീറ്റില് യുഡിഎഫ് ജയിച്ചിട്ടും അയാള്ക്ക് യാതൊരു ഉളുപ്പുമില്ല. തൊഴിലാളിവര്ഗവും കൃഷിക്കാരുമാണ് ഞങ്ങളുടെ വര്ഗം. മുതലാളി വര്ഗത്തിന് സന്തോഷം ഉണ്ടാക്കി സ്വന്തം വര്ഗത്തെ വഞ്ചിക്കുന്നയാളാണ് വര്ഗ വഞ്ചകന് എങ്കില് എംവി ഗോവിന്ദനാണ് വര്ഗവഞ്ചകന്. സൈദ്ധാന്തികമായും പ്രായോഗികമായും എം വി ഗോവിന്ദന് വര്ഗവഞ്ചകന് ആണ്.
ഞാന് സിപിഐഎമ്മില് നിന്നും പുറത്താക്കപ്പെട്ടതോ രാജിവെച്ചതോ അല്ല. ഇഷ്ടപ്രകാരം അംഗത്വം പുതുക്കാത്തത് എങ്ങനെ വര്ഗവഞ്ചനയാകും. പാര്ട്ടി ഭരണഘടനയില് ആ അവകാശത്തെ പരാമര്ശിക്കുന്നുണ്ട്
വി കുഞ്ഞികൃഷ്ണനെയും ടി കെ ഗോവിന്ദനെയും പരാമര്ശിച്ചുള്ള എം വി ജയരാജന്റെ പ്രസ്താവയിലേക്ക് തന്റെ പേര് പറയേണ്ട യാതൊരു കാര്യവും എം വി ഗോവിന്ദന് ഉണ്ടായിരുന്നില്ലെന്നും ഗോവിന്ദന്റെ രാഷ്ട്രീയ വകതിരിവുകേട് ആണ് അതെന്നും ജി സുധാകരന് പറഞ്ഞു. വര്ഗം എന്താണെന്നും വര്ഗവഞ്ചകന് എന്താണെന്നും ഗോവിന്ദന് അറിയില്ല. സൈദ്ധാന്തികന് എന്ന അടിസ്ഥാനമില്ലാത്ത ലേബല് മാത്രമാണുള്ളത്. സിപിഐഎം സംസ്ഥാന സെക്രട്ടറി സ്ഥാനത്തിരിക്കാന് അദ്ദേഹം യോഗ്യനല്ല. ഒന്നുകില് ഒഴിയണം അല്ലെങ്കില് സിപിഐഎം പുറത്താക്കണം എന്നും ജി സുധാകരന് പറഞ്ഞു.