.jpg)
തദ്ദേശ തെരഞ്ഞെടുപ്പ് ; ആദ്യഘട്ട പോളിങ് നാളെ നടക്കും
തിരുവനന്തപുരം മുതല് എറണാകുളം വരെ ഏഴു ജില്ലകള് വിധിയെഴുതും.
തദ്ദേശപ്പോരില് ആദ്യഘട്ട പോളിങ് നാളെ നടക്കും. തിരുവനന്തപുരം മുതല് എറണാകുളം വരെ ഏഴു ജില്ലകള് വിധിയെഴുതും. ഇന്ന് രാവിലെ 9 മണി മുതല് പോളിങ് സാമഗ്രികള് വിതരണം ചെയ്യും.
പ്രശ്ന ബാധിത ബൂത്തുകളില് പ്രത്യേക പൊലീസ് സുരക്ഷ ഏര്പ്പെടുത്തിയിട്ടുണ്ട്. രാവിലെ ഏഴു മണി മുതല് വൈകീട്ട് ആറു മണിവരെയാണ് വോട്ടെടുപ്പ് സമയം.
tRootC1469263">ത്രിതല പഞ്ചായത്തുകളും നഗരസഭകളും ഉള്പ്പടെ 595 തദ്ദേശ സ്ഥാപനങ്ങളിലായി 11,168 വാര്ഡുകളിലേക്കാണ് ആദ്യഘട്ടത്തില് വോട്ടെടുപ്പ്. 36,630 സ്ഥാനാര്ഥികളാണ് ജനവിധി തേടുന്നത്. 1.32 കോടിയലധികം വോട്ടര്മാര്ക്കായി 15432 പോളിങ് സ്റ്റേഷനുകളുണ്ട്. 480 പ്രശ്ന ബാധിത ബൂത്തുകളുണ്ടെന്നാണ് സംസ്ഥാന തെരഞ്ഞെടുപ്പ് കമ്മീഷന് കണക്ക്. ഇവിടെ പ്രത്യേക പൊലീസ് സുരക്ഷയും വെബ് കാസ്റ്റിങ്ങും വീഡിയോ ഗ്രാഫിയും ഉണ്ടാകും. രണ്ടു ഘട്ടങ്ങളിലായി പോളിങ്ങിന് 1.80 ലക്ഷം ഉദ്യോഗസ്ഥരെയും 70,000 പൊലീസുകാരെയുമാണ് നിയോഗിച്ചിട്ടുള്ളത്.
