എ‍ഴുത്തും വായനയും പഠിക്കൽ മാത്രമല്ല സാക്ഷരത

സംസ്ഥാന സാക്ഷരതാ മിഷൻ, തെരഞ്ഞെടുത്ത തദ്ദേശസ്വയംഭരണ സ്ഥാപനങ്ങളിലൂടെ നടപ്പാക്കുന്ന ന്യൂ ഇന്ത്യാ ലിറ്ററസി പ്രോഗ്രാം ഉല്ലാസ് പദ്ധതിയുടെ ഭാഗമായി വിവിധ വിഷയങ്ങളിൽ സാമൂഹ്യ സാക്ഷരത ക്ലാസുകൾ നൽകും. സാമ്പത്തിക സാക്ഷരത, നിയമ സാക്ഷരത, ലഹരി നിർമാർജനം തുടങ്ങിയ മേഖലകളിൽ സാക്ഷരതാ മിഷനിൽ രജിസ്റ്റർ ചെയ്ത് പഠനം നടത്തുന്ന തുല്യതാ പഠിതാക്കൾക്ക് പരിശീലനം നൽകും.

തുടർന്ന് ഇൻസ്ട്രക്ടർമാരായി സന്നദ്ധ സേവനം ചെയ്യുന്ന തുല്യതാ പഠിതാക്കളിലൂടെ സാക്ഷരതാ പഠിതാക്കൾക്ക് ആവശ്യമായ ക്ലാസുകൾ നൽകും. തുല്യത പഠിതാക്കളുടെ ഉല്ലാസ് പദ്ധതിയിലെ സന്നദ്ധ സേവനം നിശ്ചിത സി ഇ മാർക്ക് ലഭിക്കുന്നതിന് പരിഗണിക്കും.

കോ‍ഴിക്കോട് ജില്ലാ സാക്ഷരതാ മിഷൻ ഹാളിൽ ചേർന്ന പ്രത്യേക ജില്ലാതല കോർകമ്മിറ്റി യോഗത്തിൽ സംസ്ഥാന സാക്ഷരതാ മിഷൻ ഡയറക്ടർ ഏ ജി ഒലീന, ജില്ലാ കോ ഓർഡിനേറ്റർ പി വി ശാസ്ത പ്രസാദ്, റിസോഴ്സ് പേഴ്സൺമാരായ പൃഥ്വിരാജ് മൊടക്കല്ലൂർ, വി ഷംസുദ്ദീൻ, പി പി സാബിറ തുടങ്ങിയവർ പങ്കെടുത്തു.