തിരുവനന്തപുരം സെൻട്രല്‍ ജയിലിനുള്ളില്‍ ജീവപര്യന്തം തടവുകാരൻ ജീവനൊടുക്കിയ നിലയില്‍

തിരുവനന്തപുരം: തിരുവനന്തപുരം പൂജപ്പുര സെൻട്രല്‍ ജയിലിനുള്ളില്‍ തടവുകാരനെ ജീവനൊടുക്കിയ നിലയില്‍ കണ്ടെത്തി. ജീവപര്യന്തം തടവുകാരനെ ആണ് ആത്മഹത്യ ചെയ്ത നിലയില്‍ കണ്ടെത്തിയത്.ആലപ്പുഴ സ്വദേശിയായ ഹരിദാസ് എന്നയാളാണ് മരിച്ചത്.

58 വയസ്സായിരുന്നു. ജയിലിലെ വാർക്ക്ഷോപ്പിനുള്ളിലാണ് ഇയാളെ ആത്മഹത്യ ചെയ്ത നിലയില്‍ കണ്ടെത്തിയത്. ജയില്‍ കോമ്ബൗണ്ടിനകത്തുള്ള മാനുഫാക്ചറിങ് യൂണിറ്റില്‍ ഇന്ന് രാവിലെ 7.30നാണ് ഹരിദാസ് ജോലിക്കായി കയറിയത്. ഇതേത്തുടർന്നാണ് ഇയാളെ മരിച്ച നിലയില്‍ കണ്ടെത്തിയത്. ഉടൻ തന്നെ ആശുപത്രിയില്‍ എത്തിച്ചെങ്കിലും രക്ഷിക്കാൻ കഴിഞ്ഞില്ല