കത്ത് വിവാദം : നിയമനടപടിക്കൊരുങ്ങി സിപിഎം, ഷർഷാദിന് എം.വി ഗോവിന്ദന്റെ വക്കീൽ നോട്ടീസ്,മൂന്നുദിവസത്തിനകം ആരോപണങ്ങൾ പിൻവലിക്കണമെന്ന് ആവശ്യം

തിരുവനന്തപുരം: സിപിഎമ്മിലെ കത്ത് വിവാദത്തിൽ  മുഹമ്മദ് ഷർഷാദിനെതിരെ നിയമനടപടിക്കൊരുങ്ങി  സിപിഎം. ഷർഷാദിന്  സിപിഎം സംസ്ഥാന സെക്രട്ടറി എം.വി ഗോവിന്ദൻ വക്കീൽ നോട്ടീസ് അയച്ചു. അപകീർത്തികരമായ പ്രസ്താവനകൾ പിൻവലിക്കണമെന്ന് ആവശ്യപ്പെട്ട് അഭിഭാഷകൻ രാജഗോപാലൻ നായർ മുഖേനയാണ് നോട്ടീസ് അയച്ചത്. പോളിറ്റ് ബ്യൂറോയ്ക്ക് നൽകിയ കത്ത് ചോർത്തിയത് എം.വി ഗോവിന്ദന്റെ മകനാണെന്ന് ഷർഷാദ് ആരോപിച്ചിരുന്നു.